 |  |
чырвона-банэрная рэкляма:
Поп-рокавы Несьцярэнка
| 05.03.2008 | Адзін з старэйшых блюзмэнаў Магілёўшчыны Юры Несьцярэнка прадстаўляе ў новым туры на «Тузіне Гітоў» сваю новую песьню «Адкажы». «Мяне заўжды цікавілі экспэрымэнты з гучаньнем, як у бок індастрыэла, так і ў кірунку поп-року. Але творчыя экспэрымэнты – справа непрадказальная, гэты твор выйшаў яшчэ мягчэйшым, чым я чакаў», - кажа лідэр праектаў White Night Blues і Nestarы Band.
«Адкажы» – адзін зь першых гатовых трэкаў для новага альбома Юрыя Несьцярэнкі пад працоўнай назвай «Неба навокал». Папярэдні – «Сьвята вялікіх дажджоў» – быў вельмі цёпла сустрэты публікай. Адзіная праблема ў музыканта – «песень шмат, а сродкаў вобмаль»: «Але неяк намагаюся выкруціцца з гэтай сытуацыі, хоць фінансавая падтрымка не зашкодзіла бы».Словы да гэтай песьні напісала Алена Беланожка – паэтка і мастачка. Менавіта яна была аўтаркай «Кветачкі» – песьні Юрыя Несьцярэнкі, якую часьцяком зараз можна пачуць на хвалях «Аўтарадыё». Яна ж, дарэчы, і малявала эскіз да вокладкі дыску «Сьвята вялікіх дажджоў».
Новы твор бялыніцкага блюзмэна выкананы ў зусім неўласьцівай яму манеры. Юры тлумачыць, што наважыўся на экспэрымэнт: «Мяне заўжды цікавілі экспэрымэнты з гучаньнем, як у бок індастрыэла, так і ў кірунку поп-року. Але творчыя экспэрымэнты – справа непрадказальная, гэты твор выйшаў яшчэ мягчэйшым, чым я чакаў». Магчыма, што па выніку на яго новы альбом усё ж увойдзе больш рокавы варыянт гэтай кампазыцыі, так што поп-рокавая «Адкажы» можа стацца сапраўдным рарытэтам.
«Гэта песьня пра нялёгкія адносіны між людзьмі, якія спрабуюць сустрэцца, але розныя акалічнасьць перашкаджаюць ім дасягнуць сваёй мэты», - так прадставіў Юры Несьцярэнка свой новы твор.
Юры Несьцярэнка – Адкажы (музыка - Юры Несьцярэнка, словы - Алена Беланожка).
Разьмяшчаецца са згоды выканаўцы.
SB, ТГ
Фота: Wiecier Mechaniczny
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|