 |  |
чырвона-банэрная рэкляма:
Іван Кірчук: «У „Трох янгалах“ – уся сутнасьць чалавека»
| 06.03.2008 | У новым туры на ТГ этна-трыё «Троіца» прэзэнтуе свой новы трэк «Тры янгалы», які ўжо здабыў немалы посьпех, дзякуючы выдатнаму кліпу. Гурт якраз сканчвае падрыхтоўку адразу двух сваіх альбомаў. Толькі што музыкі вярнуліся зь Беластоку, у тамтэйшай студыі Rembrandt яны запісалі ажно дзесяць новых кампазыцыяў. Частка новага матэрыялу апрацоўваецца зараз у Маскве. Адна зь песень – «Тры янгалы» - ужо гатовая і ў аўдыёфармаце прэзэнтуецца ўпершыню. «У ёй – уся сутнасьць чалавека. Гэта частка духоўных песьнясьпеваў, што выконваліся ў пост. Яе думка – чалавек ня можа забраць з сабою на той сьвет усё, што здабыў тут, на зямлі…»
«Тры янгалы» ўвойдуць у новы альбом «Троіцы» пад працоўнай назвай «Жар-жар». Кліп на гэтую песьню ад восені ратуецца на некалькіх айчынных і замежных тэлеканалах, а на апошняй «Рок-Каранацыі» менавіта гэтае відэа атрымала спэцпрыз ад расейскага тэлеканалу A-ONE. Акром «Жар-жару» музыкі падрыхтавалі яшчэ адзін альбом. «Розьняцца між сабой яны гучаньнем. Першы будзе рокавым, другі – зроблены ў звыклым фолькавым рэчышчы», - тлумачыць бубнач «Троіцы» Юры Паўлоўскі.Днямі музыкі вярнуліся зь Беластоку, у тамтэйшай студыі Rembrandt яны запісалі ажно дзесяць новых кампазыцыяў. Акром таго «Троіца» дала жывы канцэрт на Polskim Rаdyjo Bielastok і выклікала вялізарную цікавасьць слухачоў. Між іншым, Іван Кірчук прэзэнтаваў некалькі песень, якія былі запісаныя ў часы вандровак па беларускіх вёсках Падляшша.
Вялікім посьпехам карыстаецца і «Тры янгалы». Іван Кірчук кажа, што яго вельмі ўразіў гэты сьпеў – сваёй мэлёдыяй і тэкстам. Музыка апавядае, што яе тэкст быў запісаны ў вёсцы Барталамееўка Веткаўскага раёну спэцыялістамі з інстытуту мастацтвазнаўства Акадэміі навук. «Гэта частка духоўных песьнясьпеваў, што выконваліся ў пост, - апавядае лідэр „Тройцы“ – У ёй вельмі шмат тэксту, з 50 радкоў я абраў 7-8. У іх якраз і ўся сутнасьць. Сутнасьць чалавека. Ён ня можа забраць з сабою на той сьвет усё, што здабыў тут, на зямлі…»
8 траўня "Тройца" дасьць вялікі канцэрт у КЗ "Менск".
Кліп на «Тры янгалы»
Гурт у інтэрнэце - troitsa.net, troitsaetno.narod.ru
Троіца – Тры янгалы (музыка гурта, словы народныя).
Разьмяшчаецца са згоды выканаўцы.
SB, Step, ТГ
Фота: Алена Скарабагатава
угару - up
|
|
|
© Менск 2003-2009 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|