 |  |
чырвона-банэрная рэкляма:
«Ляпіс Трубяцкой»: пра «Чартову дюжину» і «Рок-Каранацыю»
| 11.03.2008 | Гурт «Ляпіс Трубяцкой» вярнуўся ў Менск з чарговай перамогай. У Маскве на выходных адбылася цырымонія ўручэньня расейскіх рок-узнагародаў «Чартова дюжина», дзе «Ляпісы» перамаглі з кліпам «Капитал» у намінацыі «Відэа году». Па вяртаньні Сяргей Міхалок пракамэнтаваў таксама вынікі «Рок-Каранацыі-2007»: «Год празь пяць мы зможам прэтэндаваць на галоўны прыз, а пакуль будзем вучыцца ў нашых больш пасьпяховых таварышаў, сапраўдных герояў мінулага сэзону, каманды Neuro Dubel».
На цырымоніі «Чартова дюжина» «Ляпіс Трубяцкой» адыграў сэт з чатырох песень («Золотая антилопа», «Капитал», «Харе» і новая – «Манифест»). Крыху пазьней хлопцы зноў вярнуліся на сцэну, каб атрымаць чарговы прыз, якім стала цяжкая кніга з шкла і мэталу, сымбаль расейскай рок-н-рольнай прэміі «Чартова дюжина», якую заснавала «Наше Радио».Звыклы да такіх раскладаў, Сяргей Міхалок заявіў: «Чым больш узнагародаў атрымлівае „Капитал“, тым мацней я сябе адчуваю ўдзельнікам гурта Eagles – таго, які 30 год зарабляе бабки адным гітом. Не, хлопцы, мне гэта не цікава. Можа, вы і лічыце „Капитал“ нашым „Гатэлем Каліфорнія“, але ў „Ляпісаў“ ужо новы альбом напалову гатовы – чакайце новых вандэрфул сурпрайзаў!»
Акрамя таго лідэр гурта пракамэнтаваў вынікі нядаўняў цырымоніі «Рок-Каранацыя-2007», дзе «Ляпісы» перамаглі ў намінацыях «Лепшая песьня» («Капитал») і «Лепшы відэакліп» (зноў «Капитал»). «Праз жортскі гастрольны графік мы не змаглі зьявіцца за сваімі прызамі асабіста, але мы спадзяемся, што яны ня згубяцца ў скляпеньнях самай старой беларускай рок-прэміі, - сказаў Міхалок – Напэўна, год празь пяць мы зможам прэтэндаваць і на галоўны прыз – „Гурт году“, а пакуль – будзем вучыцца ў нашых больш пасьпяховых таварышаў, сапраўдных герояў мінулага сэзону, каманды Neuro Dubel».
Паводле прэс-службы «Дзяцей Сонца»
Фота: Алена Скарабагатава
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|