 |  |
чырвона-банэрная рэкляма:
Кірчук зноў будзе варажыць
| 21.03.2008 | Перамогу ў дванаццатым туры нашага гіт-параду атрымала песня «Тры янгалы» гурта «Троіца». З гэтае нагоды ТГ павіншаваў Івана Кірчука, а той, у адказ, падзяліўся інфармацыяй пра свой бліжайшы выступ. У траўні мона-спэктакаль «Варажбіт», у якім заняты лідэр «Троіцы», можна будзе ўбачыць пад час Ночы музэяў ў Нацыянальным мастацкім музэі Беларусі. А зусім хутка кліп на песьню «Тры янгалы» зьявіцца ў этэры тэлеканала A-One.
Іван Кірчук шчыра прызнаўся, што апошнім часам ня надта актыўна сочыць за посьпехамі песьні «Тры янгалы» ў розных гіт-парадах. «Гэтая песьня была напісаная даўно, і зараз я займаюся крыху іншымі абрадамі, мая праца накіраваная на іншыя рэчы», - кажа Кірчук.Высьветлілася, што лідэра «Троіцы» цяпер займае падрыхтоўка да паказу ўрыўку свайго мона-спэктаклю «Варажбіт». У траўні, пад час Ночы музэяў Іван Кірчук прадэманструе 30-хвілінны кавалак гэтага спэктаклю ў Нацыянальным мастацкім музэі Беларусі: «Хоць гэта ня будзе поўная вэрсія „Варажбіта“, але падрыхтоўка да Ночы музэяў займае шмат часу: пад час выступу я буду выкарыстоўваць вялікую колькасьць музычных інструмэнтаў». Дарэчы, цалкам спэктакаль «Варажбіт» менчукі бачылі апошні раз толькі ў 2003 годзе.
Вяртаючыся да песьні «Тры янгалы» дадамо, што па хуткім часе яна зьявіцца ў этэры тэлеканала А-One. Пра гэта ТГ паведаміў дырэктар менскага прадстаўніцтва A-One Алег Скарабагаты. Дакладна інфармацыя аб даце зьяўленьня кліпа ў этэры - пазьней на «Тузіне Гітоў».
Аляксей Мінчонак, «Тузін Гітоў»
Фота: Алена Скарабагатава
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|