 |  |
чырвона-банэрная рэкляма:
Галоўны прыз «Ночы Ваўкалака» – запіс у Менску
| 24.03.2008 | 6 красавіка ў Полацку адбудзецца фэстываль «Ноч ваўкалака». Арганізатары абвесьцілі пра прызы, якія атрымаюць самыя яркія каманды фэсту. Галоўны прыз, які атрымае пераможца конкурснай часткі фэсту «Ноч Ваўкалака» – гэта прыкладна дзесяць гадзін запісу на менскай студыі гуказапісу «Осмос». Акром таго будуць вызначаныя пераможцы ў намінацыях «Лепшы тэкст» і «Лепшае шоў».
Але і гэта яшчэ ня ўсё. Гледачы дапамогуць выявіць дастойны гурт на прыз глядацкіх сымпатыяў. Спэцыяльны прыз ужо падрыхтаваны і ад мясцовага сайту ximik.info.Пераможцы ў намінацыях будуць вызначаныя журы фэсту. У яго сярод іншага ўвойдуць сьпявачка Кася Камоцкая і рэдактар ТГ Сяргей Будкін.
Арганізатары паведамляюць, што на ўдзел у фэсьце пададзена ўжо больш за 10 заявак. Сярод іх «РоСтра», «Акропаль», Cross B. Band, «Алмазны фронт», Amaroka і Sublimacia.
Па-за конкурсам выступяць Indra як адзін з арганізатараў фэсту і віцебская KRIPA(тэхнічная дапамога). Хэдлайнэрамі будуць сёлетнія рок-каралі - гурт Neuro Dubel.
Міцяй, для ТГ
Фота: сайт Сяргея Анішчанкі
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|