 |  |
чырвона-банэрная рэкляма:
Веснавы падарунак ад Hair Peace Salon
| 25.03.2008 | Гэтымі веснавымі днямі ўсё навакольле зьдзіўлена назірае за бясконцымі і нечаканымі зьменамі сонца і сьнежнай завірухі. Усё прытаілася ў чаканьні выбуху сапраўднага веснавога пазытыву. Гурт Hair Peace Salon таксама вонкава прыпыняе сваю дзейнасьць. Але на самой справе, гурт схаваўся ў студыю, каб у хуткім часе зьявіцца з новымі песьнямі. А ўсім хто чакае сустрэчы зь іх музыкай, каб гэтым часам не сумавалі, гурт робіць падарунак.
Новыя трэкі «Stand the Rain», «Ice Age», «Borderline» і фотасэсію з простага этэру праграмы Марыны Ціхаміравай «Музычны партал».Гэтыя песьні неаднаразова гучалі на канцэртах, але не патрапілі на EP «Gipsy». Падчас этэру яны былі выкананыя ў акустычнай аранжыроўцы, гэткай erotic-lounge version (як жартуюць самі музыкі). Яны сталі нетаропкімі і дажджова-маркотнымі, як першы веснавы дзень, але, з прадчуваньнем хуткай перамогі вясновага буянства.
«Stand the Rain», «Ice Age» і «Borderline» можна спампаваць з сайту гурта hairpeacesalon.com.
Слэп, ТГ
Фота: Алена Скарабагатава
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|