 |  |
чырвона-банэрная рэкляма:
Вайцюшкевіч атрымаў прэмію партыі БНФ
| 16.04.2008 | Учора ўвечары старшыня партыі БНФ Лявон Баршчэўскі назваў пераможцаў сёлетняй прэміі партыі БНФ – «узнагароды, якая сьведчыць пра тое, што людзі ведаюць і памятаюць пра грамадзянскія і культурніцкія чыны, якія кладуць чарговую цаглінку ў падмурак нашай незалежнай, свабоднай эўрапейскай дзяржавы». Сярод тых, хто атрымаў бронзавую статуэтку вершніка на кані, быў названы і сьпявак Зьміцер Вайцюшкевіч. Ён стаў пераможцам у намінацыі «Культура» за альбом «Лірыка» на вершы Генадзя Бураўкіна. Вайцюшкевіч на цырымоніі ўручэньня: «Па шчырасьці дагэтуль адчуваю сябе „гугняжам“ у параўнанні з мэтрамі, але ўзнагароду атрымаць прыемна, тым больш гэта першая мая такая цяжкая ўзнагарода».
Вайцюшкевіч таксама падзяліўся з прысутнымі сваёй марай: «Хочацца сесьці ў машыну і паехаць – у Мікашэвічы, Хойнікі. Не магу дараваць Дарафеевай „калхозныя“ канцэрты, дзе губляецца беларускае слова, таму адчуваю, што трэба ехаць у народ».Зьміцер зазначыў, што беларускія незалежныя музыкі таксама змагаюцца за незалежнасьць: «Нашая барацьба выяўляецца ў канцэртах, дысках, у слове, што дзякуючы музыцы больш папулярызуецца. Дзякуй усім тым, хто не баіцца прыходзіць на нашыя канцэрты, купляць квіткі і галасуюць беларускім рублём. Дзякуй усім! Жыве Беларусь!» - скончыў сваю прамову на гэтым Вайцюшкевіч і засьпяваў песьні на вершы Генадзя Бураўкіна і Ўладзімера Някляева.
SB, ТГ
Фота: Воля Кузьміч, studenty.by
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|