 |  |
чырвона-банэрная рэкляма:
Imperator: “Уздымайце запальніцы!”
| 21.03.2006 | У новым туры на “Тузіне Гітоў” дэбютуе гіп-гопавы праект “Imperator” з надта насутнай сёньня песьняй “Уздымайце запальніцы”. Удзельнікі гурту Realize i Zeman кажуць, што яны запаленыя ідэяй узьняць беларускі рэп, ці “гіп-гап”, як яны называюць кірунак на сваім слэнгу. “Мы iмкемся зрабiць свае трэкi рэп-iдэялёгiяй, якой будуць кiравацца ў будучынi. Як ONYX альбо Wu-Tang Clan у ЗША цi NTM у Францыi”, - кажуць музыкі. Вітаем сьвежыя павевы беларускага гіп-гопу на “Тузіне Гітоў”!
Zeman апавядае, што праект “Imperator” складаецца з двух чалавек, але вакол яго гуртуецца нямала людзей, адданых рэп-музыцы. “Мы прадстаўнiкi беларускага гiп-гопу, той музыкi, якая, на жаль, не набыла яшчэ нейкiх сваiх асаблiвасьцяў, як, напрыклад, беларускi рок”, - шкадуе рэпер. Zeman наракае, што беларускія рэп-выканаўцы ў сваёй большасьці глядзяць пераважна на тых, хто робiць рэп у Расеi, а расейцы, у сваю чаргу, на французаў, амерыканцаў, немцаў... “Але павiнна быць зусiм iнакш. I мы iмкнемся зрабiць першыя крокi ў фармаваньнi беларускага стылю. Не такога, якi звыкла бачыць зараз, а больш агрэсыўнага, вулiчнага, якi можа заклiкаць да дзеяньняў”.
Свой новы трэк “Уздымайце запальніцы” праект “Imperator” прэзэнтуе ў новым туры на “Тузіне Гітоў”. Хлопцы апавядаюць, як зьявіўся гэты трэк. “Ідэя прыйшла пасьля прагляду канцэрту вельмi вядомага французкага гурта Supreme NTM. У залі цэнтра “Zenith” у Парыжы дзесяць тысяч людзей узьнялi адначасова свае запальнiцы пад уплывам моцы Рэпа! I мы павiнны зрабiць так, каб тое ж самае зь людзьмi мог зрабiць Рэп на Беларусi”.
Imperator – Уздымайце запальніцы (муз.і сл. Realize i Zeman)
Разьмяшчаецца са згоды групы.
SB
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|