 |  |
чырвона-банэрная рэкляма:
Karbido на «Тузіне Гітоў»
| 15.05.2008 | Вядомы альтэрнатыўны праект з Уроцлава Karbido запісаў беларускую песьню «Добры вечар» і прэзэнтуе яе ў новым туры на «Тузіне Гітоў». Музыкі кажуць, што пачулі гэтую песьню ў выкананьні этна-трыё «Троіца» і вырашылі ўзяць яе ў свой рэпэртуар. «Мы зь вялікай увагаю ставімся да ўсходняга року, усходнеславянскай музыкі наогул», - кажуць музыкі, якія зусім нядаўна прэзэнтавалі ў Беларусі адзін з сваіх наватарскіх праектаў.
Адзін з удзельнікаў польскай каманды Томаш Сікора апавядае, што на запіс беларускай песьні музыкі натхніліся праз басіста Karbido Марэка Атвіноўскага: «Марэк мае стасункі зь беларускай нацыянальнай меншасьцю ў Польшчы і сам паходзіць зь Беластоку. Увогуле песенька, якую мы выканалі - ёсьць на дыску гурта „Троіца“. Марэк некалі прывез гэты дыск да нас, а пасьля спробы было вырашана яе выконваць. Кампазыцыя сапраўды нам вельмі спадабалася».Цікава, што твор гурта Karbido - «Добры вечар» не адзіная ў іх рэпэртуары беларускамоўная песьня. На выступах праекту гэтых жа музыкаў пад назвай «Stolik» выконваецца беларуская песьня «Цмок». Якраз «Stolik» быў у красавіку ў міні-турнэ ў Беларусі (Менск, Магілёў і Берасьце).
«Што ж тычыцца далейшага выкарыстаньня беларускіх кампазіцыяў, то мы ў гэтым зацікаўленыя, - кажа Томаш Сікора. - Творчасьць Karbido не замыкаецца на пэўным музычным стылю. Мы зь вялікай увагаю ставімся да ўсходняга року, усходнеславянскай музыкі наогул, таму і ня будзем спыняцца. Так што можна чакаць зьяўленьня новай беларускамоўнай кампазыцыі ў хуткім часе!»
Гурт у інтэрнэце - karbido.com
Karbido - Добры вечар (словы - народныя, музыка - народная/Karbido).
Разьмяшчаецца са згоды выканаўцы.
Гутарыў Сяргей Скулавец, для ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|