 |  |
чырвона-банэрная рэкляма:
Dali – Zагадкі Zігмунда Фрэйда
| 17.05.2008 | Дэбютнік ужо досыць вядомай каманды мог бы даць падставы казаць пра нараджэньне чарговай поп-рок зоркі калібру beZ bileta або «Крамбамбулі», каб не малая ўцямнасьць іх творчай канцэпцыі. Невядома чаго чакаць ад гурта, які імкнецца адначасова на «Басовішча» і на «Эўравізію», які прадукуе песьні фармату «Русского радио» (слухаем «Мечтай со мной») і вершаваную салянку зь вершаў Купалы, Гаруна ды Броўкі.
Гэты трэк пэўна і можна назваць разынкай альбому - Dali гэта самі назвалі «паэтычным фанкавым міксам». Калі не заганяцца – выглядае нават прывабна: Віктар рытмічна прагаворвае «Ты мой брат, каго зваць беларусам», у другім куплеце – «А хто там ідзе», а ў прыпеве саладжавенька зацягвае «Пахне чабор». Але далей слухача ізноў чакае суцэльная няўцямнасьць – пару рэміксаў ды англамоўны трэк «Silver Sky», зь якім «далійцы», відаць, будуць прабівацца на «Эўравізію» ад Польшчы. Dali маюць глузды, засталося толькі знайсьці стрыжань. Пакуль жа – іх творчыя памкненьні скіраваныя ў нікуды.Dali – Zагадкі Zігмунда Фрэйда, West Records, 2008
SB, ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|