 |  |
чырвона-банэрная рэкляма:
«Стыльны Тузін» ад Генадзя Сыракваша
| 12.07.2008 | Вынікі сэзону на ТГ ад Генадзя Сыракваша, кіраўніка PRO-2-Studio: «12 гадоў сачу за беларускім музычным працэсам і бачу тэндэнцыю да паляпшэньня з кожным годам. Зьяўляюцца новыя цікавыя каманды, якія вельмі цікава гучаць, прагрэсуюць і добравядомыя выканаўцы».
Генадзь Сыракваш (PRO-2-Studio)Запісваў альбомы N.R.M., Krok, Куклы, Vicious Crusade, дуэту Аляксандра і Канстанцін. Летась адкрыў прадстаўніцтва сваёй студыі ў Вялікабрытаніі.
Пры праслухоўваньні ўдзельнікаў ТГ я намагаўся крыху абстрагавацца і ацэньваць твор найперш, як слухач, а не гукарэжысэр. Хоць магу сказаць, што 12 гадоў сачу за беларускім музычным працэсам і бачу тэндэнцыю да паляпшэньня з кожным годам. Зьяўляюцца новыя цікавыя каманды, якія вельмі цікава гучаць, прагрэсуюць і добравядомыя выканаўцы. Недзе ў паловы ўдзельнікаў чарту ў гэтым сэзоне бракуе агульнага гучаньня, у пляне запісу іх песьні гучаць на ўзроўні самадзейнасьці. Але ёсьць і вартыя прыклады.
1. Харлі ВІА - Матылёк. Вельмі прафэсійна зробленая песьня з выдатным вакалам.
2. ILO & Friends – Synu. Надта спадабалася манернасьць вакалісткі, стыльна выканана, прыгожа інтанацыйна.
3. :B:N: feat. Лявон Вольскі - Загiнулым паэтам прысьвячаецца. Як для іх стыля – пісьменна зроблена. Адчувальная моцная энэргетыка сьпеву.
4. Kalmary – Бадмінтон. Адразу запаў на тэкст і адзначыў найперш за добрае пачуцьцё гумару.
5. Вольскі Лявон – Эўравізія. Сьцёб па поўнай, але пры гэтым тэкст, аранжароўка ды інструмэнтальная частка выдатна спалучаюцца між сабой.
6. Яр - Ваня (Live). Прыклад прыстойнай этнікі.
7. Троіца – Тры янгалы. Мне падабаецца ўсё, што робіць гэтая каманда. Гэтая песьня ня стала выключэньнем.
8. Беланогая Тацьцяна - Белая птушка. Вылучыў найперш выдатны голас і манеру выкананьня.
9. Karbido – Добры вечар. Зачапіла. І падыходам, і выкананьнем, і аранжыроўкай, і падачай.
10. Naka - BY YOU. Як і адзначаныя ўжо песьні з жаночым вакалам гэты твор стаў у шэраг лепшых праз стыльнае выкананьне.
11. Авангардшкола – Сінявокая. Гэта гіт. Мне спадабалася.
12. Здань - Ты зь Менску, я – з Гародні. Злавіў сябе на думцы, што менавіта так бы і зрабіў гэты твор, каб сам ім займаўся. Якраз такім чынам мусіць адпавядаць тэкст музыцы, а музыка – тэксту, як на маё меркаваньне. Вылучыў бы сапраўды цікавыя словы песьні і гэтую гульню ў прыпеве.
Генадзь Сыракваш, для ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|