 |  |
чырвона-банэрная рэкляма:
Віншуем Алега Хаменку!
| 04.04.2006 | Лідэр групы “Палац” і пачэсны “тузінавец” Алег Хаменка спраўляе сёньня свой Дзень Народзінаў. Усяго толькі 39-ты па ліку. Рэдакцыя “Тузіна Гітоў” віншуе Музыку з гэтым асабістым сьвятам і жадае яшчэ сотню гадоў плённай працы, шчасьлівага жыцьця й бесклапотнага адпачынку. Алег ужо увайшоў у гісторыю беларускай музыкі. Ня толькі як стваральнік фолк-праекту “Палац”, зь якога выйшлі музыка Зьміцер Вайцюшкевіч, гурты “Kriwi”, “Юр’я”, але і як заснавальнік цэлага кірунку ў айчыннай музыцы – фолк-мадэрну.
Зрабіў свой унёсак Алег і непасрэдна ў гісторыю “Тузіна Гітоў”. Літаральна гэтымі красавіцкімі днямі на хвалях FM-cтанцыі “Радыё Мінск” у этэр выйдзе юбілейная, 50-ая праграма, прысьвечаная галасаваньню ў нашым гіт-парадзе – “Тузін Гітоў з Алегам Хаменкам”.Алег таксама вядзе штотыдзень радыёвэрсыю нашага гіт-параду на хвалях “Радыё Рацыя”.
Ужо сёлета зьявіцца й доўгачаканы альбом “Палацу”, у які ўвойдуць ужо знаёмыя песьні групы “Праваджала маці сына”, “Сьпей мне”, так і абсалютна новыя.
Шчыра віншуем Алега! І зычым новых песень, цікавых праграмаў і карысных праектаў!
Рэдакцыя ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|