 |  |
чырвона-банэрная рэкляма:
Наста скарыла Люблін
| 18.12.2008 | Наста Някрасава прызнаная лепшай вакалісткай на самым буйным польскім фэстывалі Mikolajki Folkowe, што прайшоў у Любліне ў чатыры дні. А яе сумесны праект з гуртом FolkRoll заняў у конкурсе трэцяе месца. Наста ўжо другі раз брала ўдзел у фэстывалі. Два гады таму ў складзе NHS-ethno яна ўзяла тут галоўны прыз.
Фэстываль Mikolajki Folkowe праходзіць у Любліне і лічыцца самым вялікім фольк-фэстывалем на тэрыторыі Польшчы. Сёлета ў конкурсе бралі ўдзел 14 гуртоў і па выніках галасаваньня пазыцыі былі разьмеркаваныя такім чынам:1 месца — гурт Mosaic
2 месца — Bubliczki Cashubian Klezmer Band
3 месца — FolkRoll з Настай Някрасавай
Наста ўжо другі раз брала ўдзел у фэстывалі. Два гады таму ў складзе NHS-ethno яна ўзяла тут галоўны прыз. Гэтым разам яна паехала з праектам FolkRoll, што складаецца з навучэнцаў кансэрваторыі. «Мы хіба былі адзіныя, хто выступаў у такім акадэмічным стылі, — апавядае Наста. — Астатнія ўдзельнікі конкурсу былі проста адорвамі. Хутчэй растаманаў нагадвалі, але кожны зь іх быў проста апантаны фолькам. Прыемна, што сярод усіх заўважылі і нас». Выступ на «Мікалайках» для гурта FolkRoll, па сутнасьці, быў дэбютам на вялікай сцэне.
Акром таго, Наста Някрасава прызнаная на фэстывалі ў Любліне лепшай вакалісткай. Пасьля яе выступу публіка зладзіла сапраўдную авацыю ды выклікала беларускую сьпявачку на біс. «Паколькі мы ўжо адыгралі падрыхтаваную праграму, прыйшлося сьпяваць акапэла», — кажа Наста.
Сайт фэстывалю: www.mikolajki.serpent.pl
Наста Някрасава на ТГ
SB, ТГ
Фота: gazetaby.com
угару - up
|
|
|
© Менск 2003-2010 Тузін Гітоў Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. Рэкляма: Стильная надежная мясорубка сделанные по строгим инструкциям. . комнатные растения |