 |  |
чырвона-банэрная рэкляма:
«Вецер у галаве» сьціхаць не зьбіраецца
| 05.02.2009 | Гурт «Вецер у галаве» на тыдні ўрэшце запісалі сваю песьню «Шпацыруем», якую выконвалі ў фінале «Эўрафэсту». Музыкі прадстаўляюць гэты твор у новым туры на ТГ. «Да прыпеву са словамі „воля“ дзеячы беларускага шоў-бізу паставіліся з нэгатывам, але аргумэнты, што ў беларускім гімне слова „воля“ таксама сустракаецца неаднойчы, падзейнічалі», — кажуць удзельнікі праекту.
Праекту «Вецер у галаве» няма яшчэ і паўгоду. Фактычна дэбютам для іх і быў удзел у «Эўрафэсьце». Шмат для каго нечаканасьцю быў іх выхад у фінал. Яшчэ адна нечаканасьць — зьмена песьні, а разам з тым і іміджу падчас выступу ў фінале. Удзельнікі гурта апавядаюць, што гэтую песьню дзеячы беларускага шоў-бізнэсу ўспрынялі з нэгатывам. У прыватнасьці, Анастасія Ціхановіч і Яўген Алейнік. Маўляў, чакайце пасьля выступу тэлефанаваньня палкоўніка КДБ ды Лявона Вольскага. «На словы Яўгена пра нейкія апазыцыйныя заклікі мы адказалі толькі адно: у гімне Беларусі слова „воля“ таксама сустракаецца неаднойчы», — кажа прадусар гурта Сяргей Герасімовіч.Зь песьняй «Шпацыруем» гурт «Вецер у галаве» і надалей будзе намагацца штурмаваць фэстывалі. Яны зьбіраюцца падаць заяву на ўдзел у фэстывалі ў Варне, а таксама ў Юрмале. Не абмінуць яны ўвагаю і фэст «Пяць зорак. Інтэрвізія», што пройдзе сёлета ў Баку.
Фэн-блог выканаўцы ў інтэрнэце — vetervgolove.wordpress.com
Вецер у галаве — Шпацыруем (музыка — Аляксандра Захарык, словы — Віктар Рудэнка).
Зьмяшчаецца са згоды выканаўцы.
SB, ТГ
Фота: voolchitza.livejournal.com
угару - up
|
|
|
© Менск 2003-2010 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|