 |  |
чырвона-банэрная рэкляма:
Абвешчаныя пераможцы музычнай прэміі Eхperty.by
| 18.02.2009 | 18 лютага ў страўні «Камяніца» былі названыя найлепшыя беларускія альбомы 2008 году. У вызначэньні пераможцаў удзельнічалі вядучыя музычныя крытыкі зь Беларусі, а таксама з суседніх краінаў — Расеі, Польшчы, Украіны, Літвы і Латвіі. Прызы ўручаліся па шасьці намінацыях. Большасьць пераможцаў была названая на падставе адзнакаў сталых экспэртаў — Алега Клімава, Зьмітра Падбярэзскага, Сяргея Будкіна і Зьмітра Безкаравайнага.
Такім чынам, «Найлепшым альбомам» быў прызнаны дыск «Троіцы» — «Сон-трава»Найлепшы дэбютны альбом — NHS — «700»
Найлепшы поп-альбом — Ядвіга Паплаўская і Аляксандар Ціхановіч — «Любовь-судьба»
Найлепшы рок-альбом — «Ляпіс Трубяцкой» — «Manifest»
Найлепшы фольк-альбом — «Троіца» — «Сон-трава»
Названыя пераможцы і ў спэцыяльных намінацыях.
«Прыз вялікага журы» — гэта альтэрнатыўная вэрсія намінацыі «Альбом году», што дазваляе адлюстраваць меркаваньне вядучых прадстаўнікоў беларускай музычнай мэдыясуполкі. У вызначэньні ўладальніка гэтага прыза ўзялі ўдзел 12 экспэртаў.
Трэцяе месца заняў дыск «Троіцы» — «Сон-трава» — 69 балаў
Другое — таксама ў «Троіцы» — «Жар-жар» — 91
Першае — «Ляпіс Трубяцкой» — «Manifest» — 102
«Прыз замежных экспэртаў» — яшчэ адна альтэрнатыўная вэрсія намінацыі «Альбом году». У вызначэньні пераможцы тут бралі ўдзел 5 экспэртаў — па адным з кожнай краіны, зь якой мяжуе Беларусь. З Латвіі — галоўны рэдактар часопісу «Muzikas Saule» Арэстс Сілабрыедзіс, зь Літвы — дырэктар лэйблу «Zona» і музычны прадусар фэсту «Be2gether» Давід Блюўштэйн, з Польшчы — галоўны рэдактар часопісу «Pro-Rock» Марцін Полэц, з Расеі — аглядальнік і колішні галоўны рэдактар расейскіх часопісаў «Rolling Stone» і «Play» Глеб Лісічкін, а з Украіны — аглядальнік музычнага парталу «@music» Джой Тарталья.
Цікава, што чатыры першыя месцы ў топ-10 ад замежных экспэртаў занялі фольк-альбомы, а пераможца толькі на бал апярэдзіў два іншыя альбомы.
3 — «Троіца» — «Сон-трава» (25 балаў)
2 — NHS — «700» (25 балаў)
1 — «Джамбібум» — «Жавароначкі» (26)
І яшчэ адна спэцнамінацыя — «Найлепшы рэкорд-лэйбл», якая пакліканая адлюстраваць посьпехі рэкорд-кампаніі ў кантэксьце якасьці рэлізаў. Перамогу атрымлівае кампанія, рэлізы якой найчасьцей згадваліся ва ўсіх трох топ-10 (па вэрсіі экспэртаў, вялікага журы і замежных крытыкаў). Тут няма роўных лэйблу West Records.
Падрабязныя вынікі на сайце Experty.by
ТГ
угару - up
|
|
|
© Менск 2003-2010 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|