 |  |
чырвона-банэрная рэкляма:
Дакалядныя традыцыі
| 07.01.2006 | У рубрыцы “Матэматычны аналіз” - вынікі 8-га туру з статыстычным ухілам, а таксама лепшыя дасягненьні восенькіх адрэзкаў у “Тузіне Гітоў” за тры мінулыя гады.
8 тур сэзону прынёс 3544 галасы ці 253 галасы ў сярэднім за суткі галасаваньня, у чарговы раз падняўшчы плянку сярэдняй колькасьці галасоў у туры ў гэтым музычным цыклі.Пасьля гэтага туру “Тузін Гітоў” сыйшоў на традыцыйныя калядныя вакацыі, што дае нагоду паглядзець, якія ж рэкорды былі ўсталяваныя да Калядаў у мінулыя гады і якія зь песьняў былі найбольш пасьпяховымі на стартавых адрэзках кожнага з трох сэзонаў.
3 42-х тураў да Калядаў было праведзена 19. У 2003 годзе – 5, у 2004 – 6 і ў гэтым 8.
Вашай увазе тузін лепшых дакалядных песень 2003-2005:
1. Neuro Dubel – Жыцьцё 661 голас (23 тур)
2. Аляксандра і Канстанцін – Ду-ду да-да 625 (23)
3. Аляксандра і Канстанцін – Ду-ду да-да 533 (22)
4. J_Морс – Так-цік-так 527 (23)
5. IQ48 і Памідораў – Выйсьце 506 (22)
6. IQ48 – Сьвятло ў цемры 495 (41)
7. Кася Камоцкая – Шостае падарожжа 481 (42)
8. IQ48 – Сьвятло ў цемры 461 (42)
9. Стары Ольса – У Карчме 418 (5)
10. Глюкі – Ападкі 390 (41)
11. Глюкі – Ападкі 377 (40)
12. Айша – Зь вераю 373 (39)
У сьпісе толькі адна песьня з 2003 году, 6 песень гэтай восені і 5 песень мінулага году, але ўсе яны займаюць верхнія 5 прыступак гіт-параду лепшых песень восені-пачатку зімы.
У сьпісе – 9 песень, двойчы ў яго трапілі “Ду-ду да-да”, “Сьвятло ў цемры” і “Ападкі”.
Ад дакалядных гітоў вернемся да вынікаў апошняга ў 2005-ым і 42-га ў агульным сьпісе туру.
Найгоршы для сябе вынік (ужо другі раз запар) паказаў берасьцейскі гурт “Сьцяна” і песьня “Можна быць”, што заканамерна дазволіла заняць ім толькі 7-ае месца, горш таксама яшчэ не было.
Зусім адваротны прыклад дэманструе гурт žygimont VAZA зь песьняй “ContraБанда”, яны паўтарылі найлепшы вынік для сябе ў сэзоне – 256 галасоў, які быў дасягнуты ў другім туры, але тады гэта было трэцяе месца, цяпер жа толькі 9-ае.
А на прыступку ніжэй песьня “Вочы цёмна-сінія” ад “Беларускіх Песьняроў”, 252 галасы за якую, дазволілі б застацца ў “Тузіне” ў кожным з папярэдніх 7 тураў, аднак расьце агульная колькасьць пададзеных галасоў, адпаведна расьце і канкурэнцыя за права застацца ў дванаццатцы лепшых яшчэ на адзін тур.
RWD, "Тузін Гітоў"
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|