 |  |
чырвона-банэрная рэкляма:
«Тузін Гітоў» — 2009. Вызначаем лепшых
| 26.06.2009 | Цягам музычнага году 2009 ў гіт-парадзе «Тузіна Гітоў» за 20 тураў было прадстаўлена 69 песень. Сярод іх былі і сапраўдныя гіты, былі і неспадзяванкі. Кожныя 14 дзён наведнікі вызначалі новых чэмпіёнаў і новых аўтсайдэраў чарту ТГ. З мэтай падвядзеньня канчатковых вынікаў году і вызначэньня «лепшых зь лепшых» па добрай і трывалай завядзёнцы на нашым партале ўжо пачалася падрыхтоўка вялікага выніковага туру гіт-параду.
Далучыцца да падвядзеньня вынікаў году на першым этапе «Тузін Гітоў» запрасіў экспэртную раду зь ліку музычных рэдактароў папулярных беларускіх радыё-станцыяў. Яшчэ раз пераслухаюць усе песьні з чарту ТГ і прадставяць свае вэрсіі «лепшых дванаццатак» Слава Корань (музычны экспэрт «Эўрапейскага радыё для Беларусі»), Эміль Джафараў (музычны рэдактар радыё «Бі-Эй»), Аляксандар Ажынскі (музычны рэдактар радыё Unistar), Андрэй Халадзінскі (музычны рэдактар «Альфа-радыё»), Ірына Львова (музычны рэдактар «Аўтарадыё») і Сяргей Пратусевіч (музычны рэдактар «Радыё Рацыя»). А ўсе песьні, што будуць згаданыя экспэртамі, у сваю чаргу, возьмуць удзел у вялікім выніковым МЭГА-ТУРЫ. А наведнікі нашага парталу раставяць усе кропкі над «і».Для правядзеньня «МэгаТуру-2009» абраная традыцыйная «алімпійская» схэма «Да апошняга»: пасьля невялікага стартавага пэрыяду штодня адміністратарамі гіт-параду будуць здымацца песьні з найменшай колькасьцю пададзеных за іх наведнікамі галасоў.
12-ка лепшых песень складзе выніковы «залаты» тузін году. Але і на гэтым гіт-парад ня будзе спынены, аж пакуль у ім не застанецца адна песьня — Песьня Году на «Тузіне». Якая песьня стане галоўнай у гэтым годзе, будзе залежыць толькі ад наведнікаў, якія штодня змогуць прымаць удзел у галасаваньні ў звыклай «тузінаўскай» форме.
Сачыце за навінамі і не прапусьціце пачатак самага цікавага і захаплялнага туру гіт-параду на «Тузіне Гітоў»!
Wiecier Mechaniczny, «Тузін Гітоў»
Даведка.
Сьпіс (abc…) усіх песьняў гіт-параду «Тузін Гітоў»
музычнага сэзону 2009 (15 верасьня 2008 — 25 чэрвеня 2009):
1. 4example — Твой
2. Адыс Абэба — Дзеці
3. Алан Данк feat. Kowka — Вэртыкаль
4. Avana — Анёлы
5. Бан-Жвірба — Гэтае каханьне
6. Хуткі Смоўж — Казакi
7. Crimsonland — Касіў Ясь канюшыну
8. Dа! Бл… — Параноя
9. Djum — З усьмешкай
10. DVA — Абба Ойча
11. Dzed feat. VictoriA — Плакалі
12. Джамбібум — Дзеўкі
13. Детидетей — Гімн моладзі
14. ESPRIT — Знайдзі мяне
15. Fickus — Perpetuum mobile
16. GARADzKIJA — Усё, што мяне ў гэтым сьвеце трымае
17. Glofira — Рух часу
18. Голая Манашка — Атрута
19. IQ48 — Вясна-красна
20. J:морс — Не здавайся
21. Jab Club — Катакомба
22. Jab Club — Ніколі
23. Камоцкі Алесь — Як толькі ты
24. Камоцкі Алесь — Знайдзі мяне
25. Крэчат Аляксей — Янка Купала
26. Крывакрыж — Сьвету толькі зачын
27. Ляпіс Трубяцкой — Зорачкі
28. Litvintroll — Rock’n’troll
29. Люэс — Пустэча
30. Mauzer — Каляда
31. Мутнаевока — Разрываю
32. NatureMorte — Адэлаіда
33. Neuro Dubel — Трываю
34. Nevma — Хутка
35. Някрасава Наста — Вялікі дзень
36. Несьцярэнка Юры — Неба навокал
37. Остап Бендер — Сямнаццаць
38. !otHERos! — Мой сон
39. Палац — Хай месяц
40. Пан Жыжма — Чэ
41. PANaNieba — Правінцыя
42. Паплаўская Ядвіга і Ціхановіч Аляксандар — Белы сьнег (рэмікс)
43. P.L.A.N. — Песьня случчака
44. Rahis — FM
45. Растопчын Аляксандар — Пагоня
46. Разьбітае сэрца пацана — Розавы закат
47. Re1ikt — Брудная дзяўчына
48. Rostra — Нехта
49. Руся і Такінданг — Гэты час
50. Сьцяна — Сьлёзы пад дажджом
51. Shakespeare-mc — Газу няма
52. Смольскі Дзьмітры і Алеся — У бацькоўскім кутку
53. Спрат — На мяжы
54. Stёkla — Да сэрца
55. Sunrise — Варажбітка ноч
56. The UNB — П.С.Н.Л. (L50)
57. Tlusta Lusta — Сэрыялы
58. Троіца — Удоль па рэчачцы
59. UltraВожык — Спадарожнік
60. Вайцюшкевіч Зьміцер — Раз ды разок
61. Вайцюшкевіч Зьміцер — Сьцяг
62. Вецер у галаве — Шпацыруем
63. Vinsent — Адыходзяць караблі
64. Вольскі Лявон і Пугач Уладзімер — Такога няма нідзе
65. Weeping Twilight — Грэх
66. Здань — Правінцыйны рок-н-рол
67. Жнюв — Не хвалюйся
68. ЗМ99 — Кіно
69. Зьмяя — Горад
угару - up
|
|
|
© Менск 2003-2010 Тузін Гітоў Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. Рэкляма: забрать права |