 |  |
чырвона-банэрная рэкляма:
Час «Жнюва»
| 01.07.2009 | Гурт «Жнюв» зь песьняй «Не хвалюйся» стаў пераможцам апошняга туру ў гэтым музычным сэзоне на «Тузіне Гітоў». Для іх гэтая перамога стала пятай па ліку. За час удзелу ў чарце гурт, які адсутнічаў у музычнай прасторы пяць гадоў, трывала стаў на ногі. Цяпер яны рыхтуюцца да запісу свайго новага альбома, маюць прадставіць сумесную песьню з гуртом Unia, «жнювамі» зацікавіўся і Алег «Jagger» Мінакоў, колішні лідэр рок-каралёў-1995 — Rouble Zone.
Пяць перамогаў на «Тузіне Гітоў» прынесьлі гурту «Жнюв» ня толькі віртуальны, але і цалкам канкрэтны плён. Музыка «жнюваў» чапанула і Алега Мінакова, які нават паабяцаў дапамагчы з прасоўваньнем каманды на Захад. Беларускі рок-кароль-1995 доўгі час жыве ў Бэльгіі. Магчыма, што тамака «Жнюв» будзе здымаць свой новы кліп. Дарэчы, папярэдні кліп на песьню «Досадно», які хутка будзе прэзэнтаваны,гурт здымаў у Лёндане. Пакуль жа «Жнюв» задумаў запісаць песьню і зьняць супольнае відэа з гуртом Unia: «Яны ўразілі нас сваёй унікальнасьцю і драйвам, ажно сківіцы зьвяло, так закарцела нешта разам зь імі зрабіць», — кажа адзін з удзельнікаў каманды Аляксандар Семянюк.Пасьля выступу на «Басовішчы» гурт сыходзіць у нядоўгі адпачынак, каб увосень усур’ёз заняцца запісам свайго альбома. «Мы за тое, каб прасоўваць менавіта беларускамоўную частку нашай творчасьці. Тое, што палова песень з дыску будзе па-беларуску — дык гэта дакладна», — кажуць «жнюваўцы».
SB, ТГ
Фота: Любоў Бяляева
угару - up
|
|
|
© Менск 2003-2010 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|