 |  |
чырвона-банэрная рэкляма:
Першы дыск "Джамбібум"
| 07.12.2006 | Не вядзіцеся, нічога супольнага з “Бум-Бам-Літам” гэты праект не мае. Гэта дэбютны дыск чарговых прадстаўнікоў “фолк-мадэрну”. Фолк ад “Джамбібум” – чысты, без электронных апрацовак: акустычная гітара, флейта, скрыпка. Музыка крыху афрыніказавана з дапамогай ударных інструмэнтаў. Асаблівых адкрыцьцяў гэты альбом не нясе, але і не расчароўвае. Годна выканана, як з вакальнага, так і музычнага гледзішча.
Не вядзіцеся, нічога супольнага з “Бум-Бам-Літам” гэты праект не мае. Гэта дэбютны дыск чарговых прадстаўнікоў “фолк-мадэрну”. Фолк ад “Джамбібум” – чысты, без электронных апрацовак: акустычная гітара, флейта, скрыпка. Музыка крыху афрыніказавана з дапамогай ударных інструмэнтаў. Асаблівых адкрыцьцяў гэты альбом не нясе, але і не расчароўвае. Годна выканана, як з вакальнага, так і музычнага гледзішча. Рэшта вядомых фолк-стандартаў – такіх, як “Туман ярам” (ці інакш - “За туманам”) і “Ружа кветка” - дапаўняецца ўласнымі імправізацыямі на тэму беларуска-афрыканскай музычнай лучнасьці. Пераважна гучыць “Джамбібум”, як “KRIWI” у свае лепшыя часы, голаса Вайцюшкевіча толькі не стае. Гурт можа ўпрыгожыць сваім удзелам, як афіцыёзныя мерапрыемствы кшталту “Гуляй, душа”, так і альтэрнатыўныя музычныя фэсты. Ёсьць у іх у меру і ад “Бяседы”, і ад “Тройцы”. Цікава тое, што гурт Кірчука добра ўпраўляецца ўтраіх, а “Джамбібум” намагаецца ўзяць і якасьцю, і колькасьцю адначасова – у праекце больш за дзясятак удзельнікаў. У выніку ў некаторых песьнях ствараецца гэткі музычны вэрхал, шматгалосьсе і шматгучча. Добра пад такую музыку прачынацца, адразу прыводзіць у працоўную кандыцыю. Рэкамэндуецца для праслухоўваньня ўсім, без узроставых абмежаваньняў. Джамбібум, 2006, самвыдат
SB, "Тузін Гітоў"
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|