 |  |
чырвона-банэрная рэкляма:
Рок-Каранацыя-2006: намінацыя “Пазытыўная музыка”
| 15.02.2007 | У працяг знаёмства наведнікаў “Тузіна Гітоў” з намінацыямі сёлетняй цырымоніі ўзнагароджаньня беларускіх музыкаў “Рок-Каранацыя”. Адна з новых намінацыяў – “Пазытыўная музыка”, якая ўключыла музыкаў, што працуюць у такіх кірунках, як ска/ска-панк/рэгі/арт і нясуць станоўчыя эмоцыі ў масы. Такім чынам, пасьля адбору і галасаваньня журы галоўнымі прэтэндэнтамі на Карону ў гэтай намінацыі сталі гурты “Вірус Ліха”, “”Нагуаль” і “Пару рублей”. Пераможца будзе абвешчаны на самой цырымоніі, якая адбудзецца 25 лютага ў КЗ “Мінск”.
У гэтай новай намінацыі арганізатары цырымоніі разглядалі творчасьць гуртоў, якія раней крыху ня ўпісваліся ў фармат “Каранацыі” празь яе стылістычную абмежаванасьць. “Мы пайшлі на своеасаблівы экспэрымэнт, вылучыўшы ў гэтай намінацыі прадстаўнікоў розных музычных плыняў, якіх аб’ядноўвае найперш пазытыўнасьць творчасьці. Паглядзім, ці прыжывецца яна”. Такім чынам, у сьпіс кандыдатаў у гэтай намінацыі ў адпаведнасьці з абвешчанымі крытэрамі (гл.ранейшыя намінацыі) патрапілі:Вірус Ліха – Жизнь бьёт ключом (пазытыў), Новая музыкальная компания
Пару рублей – Трезвый росчёт (пазытыў), Aist Music
Нагуаль – У земли под юбкой (пазытыў), Новая музыкальная компания
Пераможцу ў намінацыях абярэ адмысловая экспэртная рада ў складзе: прадусара, аднаго з арганізатараў штогадовага рэгі-фэстывалю Павала Кашырына, лідэра гурта “Адыс-Абеба” Зьмітра Іванова і журналіста Макса Шуміліна. Пераможца будзе абвешчаны непасрэдна на цырымоніі 25-га лютага.
З намінантаў ужывую на “Рок-Каранацыі” выступіць гурт “Вірус Ліха”.
SB, "Тузін Гітоў"
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|