 |  |
чырвона-банэрная рэкляма:
“Бан-Жвірба”: сацыяльная алегорыя ў рэчышчы Оруэла
| 23.02.2007 | У новым туры на “Тузіне Гітоў” гомельскі гурт “Бан-Жвірба”, новы альбом якога днямі мае выйсьці на адным з расейскіх лэйблаў, прэзэнтуе сваю новую песьню “Малпы”. “Яна была напісана ў год малпы, гэта стылізаваная пародыя на сучасныя мадэрновыя стылі ня вельмі цяжкай музыкі, па зьмесьце - сацыяльная алегорыя, якая працягвае дух твораў Дж.Оруэла”, - так прадстаўляюць свой твор самі музыкі.
Песьня “Малпы” – увайшла ў новы дыск гурта “Забабоны”. “Мы вырышылі назваць так наш альбом, бо гэта адна з частак традыцыі беларускага народу, што перадаецца з пакаленьня ў пакаленьне”. Твор “Малпы” – зусім не адпавядае фолкавай стылістыкі, у якой пераважна і працуе гомельскі гурт. Музыкі наогул называюць сябе “народным ВІА” – іранічным калектывам, што сынтэзуе эстэтыку беларускага фальклору з рок- энэргетыкай. “Мы граем пазытыўную чалавечную музыку без усялякай агрэсіі, і спадзяемся, што яна скарыць шматлікіх беларускіх слухачоў!”Гурт у інтэрнэце - banzhvirba.com
Бан-Жвірба – Малпы (муз. гурта, сл. Зьм.Вінаградаў).
Разьмяшчаецца са згоды выканаўцы.
SB, "Тузін Гітоў"
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|