 |  |
чырвона-банэрная рэкляма:
“Рок-Каранацыя-2006”: намінацыя “Альбом году”
| 23.02.2007 | “Тузін Гітоў” працягвае прадстаўленьні намінацыяў сёлетняй цырымоніі ўзнагароджаньня лепшых музыкаў краіны. На чарзе – намінацыя, якую называюць адной з галоўных – “Альбом году”. Сёлета ў гэтай катэгорыі намінуюцца наступныя рэлізы, якія пабачылі сьвет у 2006 годзе: “The Age of Moverment” ад гомельскага гурта Rasta, “Босиком по мостовой” ад J:Морс, “Заенька” ад Indiga і “Танга з ружай” Зьмітра Вайцюшкевіча. Хто стаўся пераможцам стане вядома на самой цырымоніі, якая адбудзецца 25 лютага.
Прэтэндэнтамі ў намінацыі “Альбом году” зьяўляліся тыя дыскі, якія набралі большасьць галасоў сябраў журы ў галасаваньні па жанравых намінацыях. У выніку, сьпіс атрымался ўнушальны – больш за 10 рэлізаў прэтэндавалі на званьне лепшага альбому мінулага году. У экспэртную раду гэтай намінацыі ўваходзілі прадстаўнікі лепшых музычных лэйблаў Беларусі: Вячаслаў Гулевіч (“Новая музычная кампанія”), Віктар Гольцаў (Go Records), Уладзімер Кубышкін (Aist company), Мікалай Сапуноў (West Records) і Віталь Супрановіч (BMAgroup). Гэтыя людзі вызначылі шот-ліст намінацыі “Альбом году”:“Босиком по мостовой” (J:Морс)
The Age of Moverment (Rasta)
“Танга з ружай” (Зьміцер Вайцюшкевіч)
“Заенька” (Indiga)
Пераможца намінацыі “Альбом году” будзе абвешчаны пад час намінацыі “Рок-каранацыя 2006”. Узнагароду ўручыць кіраўнік музычнага лэйбла Aist company Уладзімер Кубышкін.
Аляксей Мінчонак, “Тузін Гітоў”
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|