 |  |
чырвона-банэрная рэкляма:
Дэбют на ТГ: “Indra” – Сонца вакол
| 02.05.2007 | Адна з самых яркіх групаў Полаччыны - “Indra” прэзэнтуе ў новым туры на ТГ сваю песьню “Сонца вакол” з аднайменнага альбому, запісанага на польскай студыі “Rembrandt”. Музычным прадусарам працы выступіў лідэр ULIS Слава Корань, рэшту тэкстаў да дыску напісала паэтка Лера Сом, а падыграў тром дзяўчынам вядомы менскі музыка Алекс Кустаў. “Менавіта “Сонца вакол” вызначае ня толькі наш настрой падчас запісу ўсёй праграмы, але і атмасфэру нашага дыску”, - кажуць вакалістка каманды Вольга Андрэева і заснавальніца і гітарыстка гурта Марына Шэф.
“Indra” была заснаваная ў 2003 годзе і ўжо праз год дасягнула першых посьпехаў – гурт адзначылі за лепшы вакал на фэстывалі “Рок-Кола”, на наступны год яны трапілі ў лік ляўрэатаў гэтага адзінага буйнога фэстывалю на тэрыторыі Беларусі. Свой стыль дзяўчыны называюць бардаўскім рокам, але ў гэтай працы – “Сонца вакол” адчувальны ўплыў лідэра ULIS Славы Кораня, які выступіў музычным прадусарам дыску. “Мы задаволены тым, што здолелі нарэшце прыстойна запісаць свае ранейшыя песьні і цяпер займацца новымі”, - кажа Марына пра галоўны вынік іхняй студыйнай сэсіі ў Польшчы. Цікава, што мажлівасьць запісаць альбом “Indra” атрымала, як падарунак з нагоды перамогі ў яшчэ адным беларускім гіт-парадзе, што ладзіла “Эўрапейскае радыё для Беларусі”. І вось іх новы матэрыял яны выносяць на меркаваньне наведнікаў “Тузіна Гітоў”.“Сонца вакол” – пэўна, што вызначае ня толькі наш настрой падчас запісу ўсёй праграмы, але і атмасфэру нашага дыску”, - кажуць удзельніцы гурта. Менавіта таму гэтая песьня і дала назву ўсёй іх праграме.
Бліжэйшым часам “Indra” плянуе скарыць вяршыні “Тузіна Гітоў”, запусьціць уласны сайт і ўзяць удзел у сёлетнім “Басовішчы”.
“Indra” – Сонца вакол (сл. і муз. П.Сьляпцоў, аўтарскі пераклад – Л.Сом).
Разьмяшчаецца са згоды выканаўцы.
SB, ТГ
Фота: сайт Сяргея Анішчанкі
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|