 |  |
чырвона-банэрная рэкляма:
Кожны пераможца “Адборышча” зможа бясплатна запісаць песьні на студыі “Осмос”
| 06.06.2007 | Акрамя права ўзяць удзел у конкурсе “Басовішча 2007” кожны гурт, які трапіць у дзясятку лепшых па выніках “Адборышча” атрымае магчымасьць бясплатна запісаць адну сваю песьню на студыі “Осмос”. Пазьней кампіляцыя з кампазыцыяў усіх гуртоў будзе выдадзеная асобным дыскам. Дарэчы, днямі сьвет пабачыць CD "Басовішча'17" зь песьнямі пераможцаў “Адборышча 2006”.
Ідэя стварэньня кампіляцыі з пераможцамі “Адборышча” прыйшла да галавы кіраўніку студыі “Осмос” Павалу Юрцэвічу яшчэ ў 2006 годзе. Што праўда, ступень адказнасьці маладых беларускіх музыкаў прадусар ацаніў не адразу. “Я да кастрычніка вылоўліваў гурты, каб бясплатна (!) запісаць іх песьню”, - распавядае Юрцэвіч.Сёлета студыя “Осмос” будзе імкнуцца не зацягваць час і запісаць песьні ўсіх пераможцаў “Адборышча” яшчэ да правядзеньня “Басовішча”. “Такім чынам, дыск зь сёлетнімі пераможцамі выйдзе не праз год, як гэта здарылася зь першым рэлізам, а значна хутчэй”, - заўпэўнівае Павал Юрцэвіч.
Нагадаем, цяпер журы “Адборышча” вызначае дваццатку тых гуртоў, якія атрымаюць магчымасьць выступіць на адборачным канцэрце. Вынікі галасаваньня журы стануць вядомыя 7 чэрвеня.
Аляксей Мінчонак, “Тузін Гітоў”
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|