 |  |
чырвона-банэрная рэкляма:
Трыб’ют ND: Л.О.М. – «Чай Липтон»
| 11.07.2007 | Сваю вэрсію песьні “Чай Липтон” для трыб'юту “Neuro Dubel” падрыхтавала група “Лекарство от меланхолии”. Лідэр гурта Яўген Салдаценка кажа, што ён “не асабліва па-панку”, аднак творчасьць Кульлінковіча – паважае. “Мы старыя добрыя сябры, за часамі клюба “Тры парася” яшчэ тусаваліся разам, таму адгукнуліся на прапанову паўдзельнічаць у трыб'юце без ваганьняў”. Л.О.М., які выконвае лёгкую рок-музыку, запісаў песьню зусім не ў характэрным для сябе стылі.
«Чай Липтон» Яўгену Салдаценку прапанаваў запісаць сам Аляксандар Кульлінковіч. Лідэр Л.О.М. кажа, што песьня, якая ўвайшла ў альбом ND “Народное достояние” (2000), яму даўно падабаецца: “Яна жартаўлівая такая, пакуль працавалі над ёй у студыі – атрымалі масу пазытыўных эмоцый. Прыкольней за яе толькі песьня пра Пятрову”. Музыка называе Аляксандра Кульлінковіча сваім добрым старым сябрам. “Мы пазнаёміліся за часамі існаваньня клюба “Тры парася” на пачатку 90-х. Было такое месца ў сутарэньнях ДК Трактарнага заводу, дзе тусаваўся ўвесь сталічны андэграўнд”, - апавядае Я.Салдаценка.“Чай Липтон” запісаная зусім не ў стылістыцы Л.О.М.: “Менавіта з гэтай прычыны мы наўрад ці яе будзем выконваць на нашых выступах, але на прэзэнтацыі трыб'юту сыграем з задавальненьнем!”, - кажа Яўген Салдаценка.
Л.О.М. - Чай Липтон
SB, ТГ
Фота: westrecords.by
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|