 |  |
чырвона-банэрная рэкляма:
Лірычна-эратычны баевік ад Bananau Republic
| 03.09.2007 | Малады выканаўца Андрэй Бананаў, які ў мінулым сэзоне на ТГ кідаў выклік Лявону Вольскаму, прадстаўляе ў новым туры нашага чарту свой новы праект «Bananau Republic» і песьню «1,2,3,4...», запісаную з скрыпачкай Астрыд Браўн. Андрэй Бананаў: «Гэта неардынарная асоба з файным голасам, і да таго ж вельмі працаздольная – на мой густ, дык патэнцыйная рок-зорка».
Песьня напісалася ў кастрычніку 2006. Зь ёй нават выйграў дыплом конкурса аўтарскай песьні «Зялёны Гран-пры-2007», дзе быў адзіным беларускамоўным.У траўні 2007 я і бубнач Зьміцер Цітоў стварылі банду «Bananau Republic». Я шукаў басіста, але Зьміцер, фэн «КіШ», упёрся рогам: «Нам трэба скрыпачка». І мы хадзілі, як два фрыкі, па Менску – у мяне гітара, у яго баян - з плякатамі «Шукаем скрыпачку». Чапляліся да дзяўчат на вуліцах: «Вы граеце на скрыпцы? Не? А ў Вас ёсьць знаёмыя, якія граюць на скрыпцы?»
Урэшце празь пятых-дзясятых знаёмых знайшлася Астрыд Браўн - дужа неардынарная асоба з файным голасам, і да таго ж вельмі працаздольная – на мой густ, дык патэнцыйная рок-зорка. За некалькі рэпэтыцыяў мы ўтрох зрабілі песьню. Пасьля за адну ноч запісалі. Атрымаўся такі лірычна-эратычны баевік.
Я правёў лета ў Кіеве, хадзіў на канцэрты, граў ў гуртах, працаваў у краме музычных інструмэнтаў, набыў новую гітару. Вярнуся ў верасьні, з новымі сіламі вазьмуся за працу на карысьць беларускай рок-музыкі.
Bananau Republic - 1, 2, 3, 4… (музыка і словы - Андрэй Бананаў).
Разьмяшчаецца са згоды выканаўцы.
Андрэй Бананаў, для ТГ
угару - up
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|