 |  |
чырвона-банэрная рэкляма:
Песьні свабоды
| 05.01.2006 | 1 студзеня 2006 году пра пачатак сваёй працы абвесьціў незалежны лэйбл “VoliaMusic”. Яго стваральнікі далёка наперад не загадваюць, але ўжо ў лютым плянуюць выдаць складанку “Песьні свабоды”.
1 студзеня 2006 году пра пачатак сваёй працы абвесьціў незалежны лэйбл “VoliaMusic”. Стваральнікі лэйбла кажуць пра свае бліжэйшыя пляны. “Далёка наперад мы не загадываем, але ў лютым плянуем выдаць складанку “Песьні свабоды”, - кажа дырэктар новага лэйбла, які хаваецца пад мянушкай Puper. Па словах прадусара, першы этап працы над дыскам ужо пройдзены. Плянуецца, што ў дыск увойдуць песьні пра “свабоду ва ўсіх сэнсах гэтага слова”, як вядомых выканаўцаў, так і маладых. Беларускія музыкі яшчэ маюць шанец патрапіць у адзін з самых гучных праектаў гэтага году, зьвязацца з кіраўнікамі лэйбла можна праз е-мэйл: pesni2006@tut.by, альбо дасылаць запісы на адрас:220085, Менск, а/с 5 (толькі да 19 студзеня!). “Мы маем дзьве асноўныя задачы – прапагандаваць вольную музыку Беларусі, якую не пачуеш сёньня ні па тэлевізары, ні па радыё, а таксама стварыць віртуальны фэн-клюб, які б аб’ядноўваў людзей, неабыякавых да сваёй мовы, культуры і музыкі”, - кажа Puper.
“Тузін Гітоў” будзе сачыць за падрыхтоўкай складанкі “Песьні свабоды”.
SB
Фота: foto.alfa-com.ru
угару - up
|
|
|
© Менск 2003-2010 Тузін Гітоў Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. Рэкляма: |