 |  |
чырвона-банэрная рэкляма:
Basowiszcza 2008
фэстываль музыкі маладой Беларусі
Эра Вэрхалу
Менск
Гісторыя гурта «Эра Вэрхалу» пачынаецца з таго моманту, калі сабраліся разам Уладзімер Машкоў (Валодсьвет) і Аляксей Казлоўскі (MezaЛёпік) і вырашылі зладзіць сумесны праект. Спачатку было вырашана граць песьні вядомых бардаў, а таксама некаторыя песьні на тэксты Валодсьвета на акустычных гітарах. Але зь цягам часу ім гэтага стала мала і пачалі рабіцца элетрычныя варыянты песень. Новыя песьні было вырашана рабіць у стылі мэталгранж. Былі запрошаныя сэсійныя музыкі і пачалася праца на рэпэтыцыйных студыях. Увесь гэты час гурт знаходзіўся ў пошуках уласнага гучаньня. Паступова гранжу станавілася ўсё меней, дадавалася ўсё больш мэлёдыкі, атмасфэрнасьці, зьявіліся элемэнты фольку і пэгану. На пачатку 2008 году сфармаваўся сучасны склад гурта, калі зьявіўся новы сталы музыка: бубнач Зьміцер Мядзьведзеў (Тэд).
Эра Вэрхалу - "Становіцца страшна" (музыка Эра Вэрхалу, словы - Уладзімер Машкоў)
Становіцца страшна!
Цемра, пустэча, сьвет забабонаў,
З усьмешкай глядзяць на нас вочы анёлаў.
Не разумееш загоны сяброў,
Ды сам падсьвядома баішся ізноў.
У лабірынце сьветаўспрыманьняў
Ды ў страхе народзяцца моц і каханьне,
Вера ў тое, што будзе і ёсьць,
У старасьць, дзяцінства ды маладосьць.
Міфы жывуць незалежна ад часу,
Угрызаюцца ў душу, заражаюць адразу.
І невядома, як з гэтым быць.
Становіцца страшна… працягваеш жыць…
На галоўную старонку разьдзела
архівы >>>
Басовішча 2007
Басовішча 2006
Басовішча 2005
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|