 |  |
чырвона-банэрная рэкляма:
Basowiszcza 2008
фэстываль музыкі маладой Беларусі
Голая манашка
Менск
«Голая манашка» была ўтворана напрыканцы ХХ ст. 11 сьнежня на абломках праекта «Дзень незалежнасьці». Піянэрамі рок-н-рольнай заварухі сталі Федзя і Оранж, як звычайна, на кватэры і на жахлівым апараце. Першая хваля - гаражны панк-рок. Ужо тады можна было пачуць пра каманду на шматлікіх тусоўках пад піва, «Нірвану» і «Сэкс-Пісталз». Падлеткавы сэйшэнізм быў у самым разгары, і на гэтай глебе «Манашка» нядрэнна паспела сябе зарэкамендаваць. Патрэбна была нейкая канцэпцыя, хацелася славы і грошай, але… Федзя трапляе ў турму. Натуральна, што такога чалавека не маглі прапусьціць праз стандартнае сіта і зрабіць зь яго блатнога альбо PI-дара. З успамінаў: «Мне казалі, што я непаразуменьне і не павінен знаходзіцца тут».А тым часам невядомая масам «Папараць-кветка» марудна, але дакладным шляхам знайшла свайго слухача. І вось яна другая хваля - гэта новыя знаёмствы і канцэрты на вечарынах, прысьвечаных падлеткавай плыні. Вакал «Манашкі» застаецца фірмовым, роўна, як і фірмовыя барабаны. Зьяўляецца трэцяя адметная фігура - Вася Ярмоленка. Цяпер «Манашка» займела фірмовы саўнд, фірмовага Васю, мля, ледзьве не гандлевай маркай стала. Калі б ня ўпартасць і анархічныя настроі, гурт ператварыўся б у мас-мэдыя цукерачку і гудбай ідэалізм, рамантыка. Вось яна стылістыка - гэта мэтанакіраваны пошук сапраўдных ісьцінаў праз адмаўленьне, аскетызм. Аднойчы на кватэры ў аднаго з фанатаў «Манашкі» Федзя пазнаёміўся з Фрэдам. Фрэд яшчэ толькі пачынаў займацца музыкай, але ў яго быў свой стыль, які нядрэнна падыйшоў да таго, што можна было б назваць трэцяй хваляй. Гэта час аптымізму і сапраўдных рэаліяў.
Але і Фрэда з гуртом ужо няма. Яго месца заняў вельмі пэрспэктыўны і талантлівы басіст Сяргей Бялоў. Разам з Васем ён прыўносіць у Манашку джаз і псыхадэліку. Сяргей знайшоўся як раз у той момант, калі Федзя зноў трапіў за краты. Ня так даўно ён выйшаў з цэлым пачкам новых «тэмаў» і ідэяў. Некаторыя зь іх вы ўжо маглі пачуць на менскіх канцэртах. Гэта ўжо чацьвёртая хваля, якая яшчэ не дакацілася берага. Сёньня «Голая манашка» ня проста банда, а цэлая плынь, фармацыя з асобаў, зацікаўленых ідэяй свабоды. Тое, што адбываецца з намі зараз - сапраўднае вызваленьне.
Голая манашка - "Радыеактыўны фон" (музыка - Васіль Ярмоленка, словы - Фёдар Жывалеўскі)
Радыектыўны фон
Ён вельмі актыўны
Фон радыяктыўны
Мам-ма я таксама
Альфа, бэта, гамма.
Марыў пра спатканне
І сапраўднае каханне.
Фон вельмі актыўны, Маня.
Ты не ў стане, я не ў стане
Купалінка, цёмная ночка,
Нарадзіла Крэтына сыночка.
Мы жывем у згодзе
На разбураным заводзе,
Анрэальна не сарвацца,
Ні на што не спадзявацца.
Фон вельмі актыўны, Маня.
Ты не ў стане, я не ў стане.
Можа Божа дапаможа…
Верым, можам, пераможам!
На галоўную старонку разьдзела
архівы >>>
Басовішча 2007
Басовішча 2006
Басовішча 2005
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|