 |  |
чырвона-банэрная рэкляма:
Basowiszcza 2008
фэстываль музыкі маладой Беларусі
Лютавер’е
Менск
Сонечным полымем дагарала лета 2006 году ад п.х.л., на чырвоных вугольлях восені таяла, адлятаючы у Вырай-сад, ціхая сьветлая песьня берагінь… Засталіся адгалоскі той песьні ў мэлёдыях «Лютавер’я», толькі пачынаўшага рабіць першыя крокі… Усё новыя і новыя ўзоры віліся з-пад пяра летапісца, што распачаў новую старонку кнігі Жыцьця… Розныя людзі пачалі зьяўляцца вакол гурта і напрыканцы году, здаецца, усё стала на месцы – ступала «Лютавер’е» па зямной цьвердзі упэўнена і радасна… Адбыліся некалькі канцертаў, цягнуўся час, ляцелі сокалы-дні, прыйшоў Новы год, але ж не прынес ён нічога, акрамя сьлёз ды болі… Замутненыя вочы ня бачылі больш сьвета, сіл не было змахнуць гэтую завесу… І тады працягнуў Купала руку, ачысьціў «Лютавер’е» зьзяньнем Папараць–кветкі… Адбылася зьмена склада – са старымі музыкамі, на жаль, разьвіталіся… Гурт зьмяніўся і ў музыкальным пляне – калярыт дадала дуда, жалейкі, сапілкі, жаночы вакал узмацніўся гролам…На дадзены момант за плячыма гурт мае амаль скончаны міні–альбом, ідэі на паўнафарматнік, а таксама велізарнае жаданьне жыць, кахаць, змагацца і несьці сваё слова людзям…
Лютавер'е - "А Славене ды Росе" (музыка і словы - Аляксей Маляўка)
А Славене ды Росе
Вецер-браце раскажы гоманам дубоў
Як калілася ў зямлі ой ды руда-кроў
Як над домніцай каваль нагавор шаптаў
Як ў далонях востры меч ворага шукаў
Пярун-бацька пакажы ў глыбіні нябес
Славу, што няслі дзяды – князь Славен ды Рос
Як у вотблесках агней устала племя-род
Як няслі на поўнач струг плыні буйных вод
Чараўніцы зоры ясныя, зоры ясныя – дзевы красныя
Вы ляціце на прасторах, выпеце люцкое гора
Ды Кручыны горкі слезы абярніце ў спеў бярозы
Абдыміце Русь крыламі – славу, што расла вякамі
На галоўную старонку разьдзела
архівы >>>
Басовішча 2007
Басовішча 2006
Басовішча 2005
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|