 |  |
чырвона-банэрная рэкляма:
Basowiszcza 2008
фэстываль музыкі маладой Беларусі
Мутнаевока
Менск
Гісторыя гурта «Мутнаевока» пачынаецца з 2005 году. Некаторым аматарам беларускай музыкі гэта назва падаецца «алькагалічнай», але ўдзельнікі гурта уклалі ў яе і гістарычны сэнс: узгадалі пра існаваньне ў савецкім Менску нефармальнай кавярні пад народнай назвай «Мутнае вока», дзе зьбіраліся тэатралы, пісьменьнікі і іншыя плённыя людзі.Творчы шлях гурта разьвіваўся даволі традыцыйна для беларускай музычнай прасторы: шматлікія выступы ў клюбах, зьмена складу, «пілётныя» дэма-запісы ў інтэрнэце. Пачыналі хлопцы з бруднага сіэтлаўскага гранжу, але пасьля зьмены складу (які, дарэчы, зьяўляецца нерухомым ўжо 2 гады) знайшлі свой саўнд. Падкупляюць слухачоў драйв, мэлядычнасьць, шчырасьць песень гурта «Мутнаевока».
Напрыканцы мінулага году музыкі зрабілі тры дэма-запісы сваіх кампазыцыяў разам з гукарэжысэрам Віталём Кулеўскім (менавіта гэтыя запісы яны даслалі на адбор). Дарэчы, па ініцыятыве В. Кулеўскага гурт «Мутнаевока» загучаў на радыё «Сталіца» ў праграме «Сустрэча зь песняй».
За апошнія чатыры месяцы група дала дзевяць канцэртаў на розных пляцоўках Менску. У плянах на будучыню – запісаць дэбютны паўнафарматны альбом, узяць удзел у запісе альбома-трыб’юта гурта P.L.A.N. А ў самых дзёрзкіх марах – выступіць на «Басовішчы».
Мутнаевока - "Сэрца стук" (музыка і словы - Яўген Змушка)
Сэрца стук
Веру ў мэты і імкненні,
Бачу ўзлеты і падзенні.
І пьяны рух, крыві ў венах рух
І звар'яцелы сэрца стук.
Прыпеў:
Нам паветра не хапала!
Ты аб гэтым мне спявала.
Я да ночы буду слухаць
Хворы твой сэрца стук.
Мілы мой божа, на што жа ты здольны?
Я не ў палоне, але і не вольны.
І нават хочацца заснуць,
але перашкаджае сэрца стук.
Прыпеў.
На галоўную старонку разьдзела
архівы >>>
Басовішча 2007
Басовішча 2006
Басовішча 2005
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|