 |  |
чырвона-банэрная рэкляма:
Basowiszcza 2008
фэстываль музыкі маладой Беларусі
NatureMorte
Менск
Гурт NatureMorte пачаў свой жыцьцёвы шлях у кастрычніку 2004 году. Рэпэтыцыі, канцэрты, запіс песень – усё гэта зрабіла той калектыў, які існуе зараз. Выступленьні гурта вы маглі пачуць у такіх менскіх клюбах як NC, «Палуба», «Катакомбы», «Графіці», «рок-кафэ БДУІР», «Рок-Хаўс Кафэ», а таксама ў Тэатры Юнага Гледача, на малой сцэне Палаца Рэспублікі, у ЦТДіМ «Эўрыка». Акрамя таго гурт прымаў удзел у фестывалі «Рок-Кола-2006» у Полацку. NatureMorte мае даволі арыгінальны склад гутра: акрамя звычайнага набора бубны-бас-гітара-вакал (дарэчы, жаночы), выкарыстаны скрыпка і клявішы. У жанрава-стылёвым пляне NatureMorte не абмяжоўвае сябе рамкамі нейкага аднаго канкрэтнага стылю, а крэатыўна спалучае самыя разнастайныя напрамкі сучаснай музыкі. Зараз NatureMorte актыўна займаецца канцэртнай дзейнасьцю і пачынае запіс альбома.Удзельнікі гурта NatureMorte:
Бусел Максім – гітара
Магілевец Раман – бубны
Аляксандрава Кацярына – клявішы
Сьвідзінская Настасься – вакал
Маршчонак Кацярына – скрыпка
Шуйскі Дзяніс – бас
Кузьмін Аляксандар – дарбук
NatureMorte - "Разьвітаньне" (музыка - Д. Перавазьнюк, Кацярына Аляксандрава, словы - Кацярына Аляксандрава)
Разьвітаньне
Спынюся на ўскрайку дарогі,
Мінулае ўзгадаю,
І голас зусім далёкі
Кране майго сэрца хвалі.
Пакліча мяне ў падарожжа,
Што дорыць нябёсаў багацці,
І толькі адно застанецца –
Сказаць вам усім
«Бывайце»…
І стоячы на раздарожжы
Я раптам усё зразумею:
Няма на вяртаньне моцы –
Я мушу ісьці наперад.
Бывайце, шчаслівые жыцьця хвіліны,
Бывайце і чорныя моманты, поўныя
Горкім палынам…
Зыду ў нябыт
І зраблюся я ценем –
Вільготным мігценьнем
На раньнім сьвітаньні…
На ўскрайку чароўнага гаю,
Сваю я белую песню
Пачуўшы пазнаю.
На галоўную старонку разьдзела
архівы >>>
Басовішча 2007
Басовішча 2006
Басовішча 2005
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|