 |  |
чырвона-банэрная рэкляма:
Іншыя "АіК"
Прэзэнтуем у гіт-парадзе новы твор дуэта "Аляксандра і Канстанцін" - песьню "Ду-ду да-да".Пасьля паўгадавой паўзы, першыя рэпрэзэнтанты Беларусі на фэсьце "Эўравізія" вяртаюцца. З новымі плянамі, новымі песьнямі і новымі падыходамі да іх.
"Мы запісалі ўжо чатыры новыя песьні, адну зь іх з радасьцю прэзэнтуем на "Тузіне гітоў", - кажуць Аляксандра і Канстанцін.
Дуэт вырашыў, што іх музыка мусіць адпавядаць патрэбам часу, таму ў новым творы пад назвай "Ду-ду да-да" аранжыроўка досыць нечаканая. "Рэакцыя тых людзей, якія яе чулі - някепскае поп-дыска". У аснову песьні пакладзена народная песьня "Саўка ды Грышка ладзілі дуду" з выкарыстаньнем ірлядзкіх мэлёдый і рытмаў флямэнка.
На пытаньне, чаму песьня атрымала такі дзіўны назоў, музыкі адказваюць: "Каб запаміналася". "Паколькі "Саўка ды Грышка" ня надта падыходзіла, бо мы істотна яе зьмянілі, Генадзь Сыракваш прыдумаў такую просьценькую і прываблівую назву", - распавядае Канстанцін Драпеза.
У запісу песьні, акром АіК, узялі ўдзел Зьміцер Хаменка - клявішнік зь дзяржаўнага аркестру п/к Фінберга ды Генадзь Сыракваш (саўнд). Дуэт плянуе на "Ду-ду да-да" зьняць відыёшэраг. Ужывую гэтую ды іншыя старыя і новыя песьні можна пачуць на калядным канцэрце дуэту 24 сьнежня ў менскім клюбе "Гудвін".
Дуэт "Аляксандра і Канстанцін" - "Ду-ду да-да" (словы народныя, музыка А.Кірсанава, К.Драпеза, народная, апрацоўка АіК). Прэзэнтавана дуэтам "АіК" ды афіцыйным сайтам дуэта і разьмяшчаецца зь іх згоды.
Сяргей Будкін
29.11.2004.
рэкляма. чырвоная й банэрная:
угару - up
мы рэклямуем:
мы рэклямуем:
|
© Менск 2003-2006 Тузін Гітоў 
Пры выкарыстаньні тэкстаў абавязковая спасылка на "Тузін гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|
