Гіт-парад Тузіна Гітоў. “Айша” штурмуе “Тузін Гітоў”

“Айша” штурмуе “Тузін Гітоў”

У 5-м туры на “Тузіне Гітоў” ізноў перамогу атрымаў рэгіянальны выканаўца - песьня “Зь вераю” ў выкананьні групы “Айша”, якая паставіла рэкорд у гэтым музычным сэзоне – 373 галасы. Вакалістка групы Вікторыя Фінская: “Надта прыемна, што нашыя песьні выклікаюць такі рэзананс”.

У 5-м туры на “Тузіне Гітоў” ізноў перамогу атрымаў рэгіянальны выканаўца - песьня “Зь вераю” ў выкананьні групы “Айша”. У новым музычным сэзоне на першым месцы ў нашым гіт-парадзе адзначыліся групы з Магілёву і Берасьця. Гэтым разам перамогу сьвяткуе Горадня! “ТГ” ня першыя, хто павіншаваў “Айшу”. “Да жалю, маем пэўныя праблемы з інтэрнэтам, таму былі ня ў курсе падзей на Тузіне, - апавядае дырэктар, аўтар музыкі і бубнач групы Сяргей Фінскі, - але нашыя знаёмыя ўчора тэлефанавалі і віншавалі зь перамогай”. “Айша” паставіла рэкорд у гэтым музычным сэзоне – у 5-м туры яны набралі максымальную колькасьць галасоў – 373. Болей за тое, падчас галасаваньня, у Белнэце ўтварыўся фэн-клюб гарадзенцаў, які заахвочана і імпэтна аддавалі свае галасы за песьню на верш Дануты Бічэль-Загнетавай і схілялі да таго іншых :).

Вакалістка групы Вікторыя Фінская цешыцца з гэтай нагоды: “Надта прыемна, што нашыя песьні – раней “Чорны барон”, а цяпер “Зь вераю” – выклікаюць такі рэзананс. Гэта толькі заахвоціць нас да далейшай творчасьці”. У Горадні цяжкая сытуацыя са студыямі запісу. На ўсіх музыкаў у горадзе толькі адна студыя, дзе можна прыстойна запісацца – у каледжы мастацтваў і чарга туды ня меншая, чым на атрыманьне кватэры. Сяргей Фінскі кажа, што “Айша” ужо два гады ня можа запісаць свае новыя песьні: “Мы зрабілі накіды на кампутары і гэтыя дзесяць песень ляжаць пакуль мёртвым грузам, бо ў студыю не прабіцца”. Затое “Айша” перыядычна выступае ў родным горадзе. Па хуткім часе іх можна пачуць на фэсьце “Тры шрубы”, які Сяргей Фінскі ладзіць ужо ў 12-ты раз (фэст праходзіць два разы на год). 3 і 4 сьнежня адбудуцца чарговыя “Тры шрубы”.

SB
Фота - Wiecier Mechaniczny
18.11.2005

усе матэрыялы гэтага туру

рэкляма. чырвоная й банэрная:

рэкляма. чырвоная й банэрная:

угару - up

галоўная
музычныя навіны
гіт-парад
mp3
рэцэнзіі
заля славы
афіша
форум
гасьцёўня
навіны сайту
рэдакцыя
партнэры й спасылкі

мы рэклямуем:

мы рэклямуем:

Пры выкарыстаньні тэкстаў абавязковая спасылка на
"Тузін гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.