Гіт-парад Тузіна Гітоў. Тур 17 (51).

чырвона-банэрная рэкляма:

архіў. гіт-парад. тур # 17 (51)
5 - 18 траўня 2006

1	N.R.M.	Усё роўна мы пераможам!	mp3 hi	572

2	Tav.Mauzer feat. Сьвета Сугака	Беларусь будзе вольнай!	mp3 hi	422

3	UltraВожык	Фабрыка сноў	mp3 hi	371

4	De Shifer	Час прыйшоў	mp3 hi	355

5	Тінь Сонця	Песьня Чугайстра	mp3 hi	346

6	Indiga + Варашкевіч	Заенька	mp3 hi	304

7	IQ48	Сьвятло ў цемры	mp3 hi	274

8	Tav.Mauzer	Брудная вада	mp3 hi	267

9	Вайцюшкевіч і W.Z.Orkiestra	Дарога	mp3 hi	244

10	Guda і Drolls	Сьвяты Яня	mp3 hi	205

11	Палац	Прыляцела ластаўка	mp3 hi	200

12	Krona	Гол	mp3 hi	112

17 тур: без сюрпрызаў

статыстыка туру

Чарговы тур гіт-параду не адзначыўся нейкімі цікавымі падзеямі ці рэкордамі. Ужо чацьверты тур запар нязьменнай застаецца пара лідараў гіт параду – песьні “Ўсё роўна мы пераможам” і “Беларусь будзе вольнай!” працягваюць утрымліваць дзьве вышэйшыя прыступкі. Астатнія песьні могуць задаволіцца хіба што лякальнымі посьпехамі ці перажываць празь лякальныя ж няўдачы.

"Прыляцела ластаўка"... і вылецела

аўтсайдэр туру

Песьня “Прыляцела ластаўка” гурта “Палац”, што дэбютавала колькі дзён таму на “Тузіне Гітоў”, на жаль, не пратрымалася больш за адзін тур і амаль адразу апынулася сярод аўтсайдэраў. “Прэзэнтуючы песьню для гіт-параду мы ведалі, што яна ня здолее трапіць у шэраг першых. Аднак мы мелі іншую мэту – паказаць нешта новае, складанае і інфармацыйнае,– распавядае лідэр гурта “Палац” Алег Хаменка і дадае, - менавіта на падставе такіх новых рэчаў могуць нарадзіцца сапраўдныя гіты як ў нас саміх так і ў маладых гуртоў.”

Лявон Вольскі: “Кожны верыць у сваё. Таму наша песьня і перамагае”

камэнтар пераможцы

У 17-м туры на “Тузіне Гітоў” чарговую перамогу атрымала новая песьня гурта N.R.M. “Усё роўна мы пераможам”. Лідэр гурта Лявон Вольскі на нашыя віншаваньні адрэагаваў з усьмешкай: “Заўжды прыемна перамагаць. І добра тое, што так шмат людзей верыць у перамогу” і пацікавіўся, што за песьню зрабіў для ТГ “Neuro Dubel”. “Ведаеце, я быў бы толькі рады, калі гэтая песьня апярэдзіць нашу. Гэта значыць, што зьявілася яшчэ адна добрая беларуская кампазыцыя і пацьвердзіць маё меркаваньне, што Беларусь багатая на таленты!”. Лявон Вольскі патлумачыў ТГ сакрэт папулярнасьці новай песьні N.R.M.

Экспэрт ТГ Кроў: N.R.M. = энэргія!!!

камэнтар экспэрта

Кроў — адзін з найбольш вядомых рэпэраў Беларусі ды самы таямнічы. Заснавальнік і лідэр палітычна-сацыяльнага рэп-праекту «Чырвоным па Белым», які запісвае ўжо трэці альбом. У рэп-асяродку яго называюць «амбасадар беларускага гіп-гопу ў Эўропе». Зьвязана гэта з тым, што Кроў займаецца актыўнай прамоцыяй айчыннага рэпу па-за межамі краіны, як і наогул беларускай музыкі і беларускага музычнага рынку. Лічыць, што для разьвіцьця музыкі выканаўцам патрэбная матывацыя, а нічога так не мабілізуе, як жаданьне быць першым і найлепшым. «Тузін Гітоў», на яго думку, якраз і дае магчымасьць паспаборнічаць музыкам між сабой, і тым самым спрычыняецца да разьвіцьця музыкі ў нашай краіне. А слухачам дае магчымасьць зарыентавацца ў тым, што адбываецца на нашым музычным рынку.

"Ластаўка". Няпростая й эклектычная

навічок гэтага туру

У 17-м туры “Тузіна Гітоў” дэбютуе новая песьня славутага беларускага гурта “Палац”. Папярэдні ўдзел песень гэтага калектываў у нашым гіт-парадзе заўсёды быў пасьпяховым. Кампазыцыі “Кола грукатала”, “Праваджала маці сына” і “У лузі” трымаліся ў чартавай табліцы напрацягу некалькіх месяцаў запар, а апошняя нават калісьці была лідэрам гіт-параду. Многія зьвязвалі такі посьпех з арыгінальным падыходам “Палаца” да аранжыроўкі сваіх песень – яны утрымліваюць элементы гітовасьці, але захоўваюць першапачатковую традыцыйнасьць. І вось цяпер Алег Хаменка вырашыў прадставіць на суд наведнікаў “Тузіна Гітоў” крыху іншую, цяжкую, як на ягоную думку, песьню.

De Shifer: “Час прыйшоў!”

навічок гэтага туру

Украінскі гурт прэзэнтуе на “Тузіне Гітоў” гіт памаранчавай рэвалюцыі, які цяпер музыкі запісалі па-беларуску. Лідэр гурта Зьміцер Богуш кажа, што з задавальненьнем і цікавасьцю ягоная каманда возьме ўдзел у “Тузіне Гітоў”. “Час прыйшоў” дэбютуе ў новым туры нашага гіт-параду. У інтэрвію ТГ З.Богуш апавядае, што “Час прыйшоў” была напісана яшчэ да вядомых падзеяў ва Ўкраіне. “Але з пачаткам памаранчавай рэвалюцыі мы крыху падкарэктавалі тэкст, дадаўшы ў рэфрэн словы “Час прийшов”. У народзе гэтая песьня набыла назву “Так! Юшчанка!” і стала адным з галоўных рок-гімнаў украінскай рэвалюцыі.

“Гол” ад “Кроны”

навічок гэтага туру

Пасьля некалькіх спробаў зьявіцца на публіцы ў якасьці ўдзельнікаў канцэртных імпрэзаў, музыкі гурта “Крона” вырашылі ўсё ж сур’ёзна распачаць сваю кар’еру на беларускай рок-сцэне з выданьня альбому. З гэтага дыску музыкі прапануюць наведнікам “Тузіну Гітоў” сваю кампазыцыю “Гол” і спадзяюцца, што яна не застанецца па-за ўвагай прыхільнікаў беларускага року. Апавядае вакаліст і аўтар тэкстаў “Кроны” Андрусь Карповіч: “Песьня “Гол” – адна з самых зразумелых па тэксьце і тэме, да таго ж “Гол” – бадай, самая энэргічная кампазыцыя на альбоме. Разумееце, жвавенькая такая! На альбоме яшчэ ёсьць песьні таксама завадныя, але яны больш “адарваныя” па стылістыцы. Каб пазнаёміць слухачоў з мэйнстрымам “Кроны”, мы выбралі вось такую, больш нэўтральную па стылі песьню”…

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.