Гіт-парад Тузіна Гітоў. Тур 18 (52).

чырвона-банэрная рэкляма:

архіў. гіт-парад. тур # 18 (52)
19 траўня - 1 чэрвеня 2006

1	Neuro Dubel	Край	mp3 hi	759

2	N.R.M.	Усё роўна мы пераможам!	mp3 hi	758

3	UltraВожык	Фабрыка сноў	mp3 hi	370

4	Tav.Mauzer feat. Сьвета Сугака	Беларусь будзе вольнай!	mp3 hi	367

5	Валік Грышко	На далонях вясны	mp3 hi	364

6	Indiga + Варашкевіч	Заенька	mp3 hi	340

7	TerminX	Згубіцца	mp3 hi	321

8	IQ48	Сьвятло ў цемры	mp3 hi	316

9	Тінь Сонця	Песьня Чугайстра	mp3 hi	315

10	Tav.Mauzer	Брудная вада	mp3 hi	314

11	Вайцюшкевіч і W.Z.Orkiestra	Дарога	mp3 hi	306

12	De Shifer	Час прыйшоў	mp3 hi	297

18 тур: змаганьні і дасягненьні

статыстыка туру

Ва ўпартай барацьбе песень “Край” і “Ўсё роўна мы пераможам” прайшоў 18 тур гэтага сэзону. Зь перавагай усяго ў адзін голас перамогу атрымала песьня гурта Neuro Dubel. У змаганьні за больш высокія месцы былі ўсталяваныя чарговыя рэкорды і абноўленыя старыя дасягненьні. Падрабязьней у статыстыцы туру.

А.Кульлінковіч: “Перамагаем, значыць жывем!”

камэнтар пераможцы

Зь лідэрам “Neuro Dubel” - гурта-пераможцы 18-га тура Аляксандрам Кульлінковіча здарыўся пасьля нашых віншаваньняў прыступ радасьці: “Я вельмі рады, што наша песьня “Край” перамагла! Наша маленькая група аказалася наперадзе цэлай рэспублікі – N.R.M”, – цешыцца музыка. Аляксандар прызнаецца, што да перамогаў у разнастайных гіт-парад заўжды ставіўся фрывольна. Але не ў гэты раз: “Гэтай перамозе я чамусьці вельмі радуюся. Хоць, мяркую, што ненадоўга: “рэспубліка” нас мусіць задавіць сваёй ваеннай магутнасьцю”, – жартуе ён.

Экспэрт ТГ Алесь Аркуш: "Беларускі рок здольны паказаць "фак"!"

камэнтар экспэрта

Полацкі паэт Алесь Аркуш найперш вядомы як стваральнік альтэрнатыўнага літаратурнага працэсу ў Беларусі – заснавальнік шэрагу выдавецкіх праектаў і, бадай, адзінай на той час у Беларусі альтэрнатыўнай літсуполкі – “Таварыства Вольных Літаратараў” (1993). Адна зь першых выдадзеных кніг суполкі – зборнік вершаў Лявона Вольскага. Першы выдавецкі праект Аркуша - літаратурны альманах “Ксэракс Беларускі” быў распачаты ў 1990 годзе. На яго старонках упершыню зьявіліся тэксты полацкага рок-гурта “Мясцовы час”. На той час Алесь Аркуш быў тэкставіком гэтага легендарнага гурта. Лепшы альбом МЧ “Наша ўскраіна” быў створаны пры актыўным яго ўдзеле. З “Тузінам Гітоў” Аркуша пазнаёміў старэйшы сын Антон, які ўжо некалькі гадоў ёсьць фанам ТГ. Літаратар лічыць, што ў нашай сытуацыі, калі моладзевая нацыянальная музыка амаль цалкам апынулася ў андэграўндзе, інтэрнэт-пляцоўка ТГ сталася музычным Майданам бацькаўшчыны.

Termin X: «Каб знайсьці сябе — трэба згубіцца»

навічок гэтага туру

У новым туры на «Тузіне Гітоў» дэбютуе маладая менская каманда Termin X, утвораная летась. Цікава, што песьня «Згубіцца», якая бярэ ўдзел у 18-м туры, для самога гурта зьяўляецца дэбютнай — у сэнсе першай запісанай. Лідэр гурта Kirik патлумачыў сэнс песьні даволі дваіста і таямніча: «Трэк прысьвячаецца ўсім тым, хто ахвяруючы сваёй свабодай — змагаецца за нашую… Перад тым каб знайсьці сябе, абявязкова трэба згубіцца». Музыка яўна настроены на філязофскі лад: «Карэньні праблемы нашага існаваньня — у нас саміх, у кожным з нас паасобку. У кожнага ёсьць мяжа, за якую ён ня можа перайсьці. Няма бязьмежнай адданасьці, бо людзі папросту развучыліся быць адданымі».

Новая песьня “Neuro Dubel” на “Тузіне Гітоў”

навічок гэтага туру

У новым туры на “Тузіне Гітоў” гурт “Neuro Dubel” прэзэнтуе сваю новую песьню “Край”, запісаную адмыслова для нашага гіт-параду. Лідэр гурта Аляксандар Кульлінковіч лічыць гэтую песьню лепшай у сваёй творчасьці. “Прынамсі, пакуль да канца не запісалі наш новы альбом”, - дадае музыка. “Край” мае ўвайсьці ў новы альбом каманды пад працоўнай назвай “Пуп зямлі”. Раней Кульлінковіч казаў, што праграма будзе складацца, як зь беларуска-, так і з расейскамоўных твораў, аднак, магчымa, што як і папярэдні альбом “Танкі” ён будзе запісаны цалкам па-беларуску. “Не атрымліваецца нешта апошнім часам пісаць песьні па-расейску”, - кажа Аляксандар...

Валік Грышко на далонях вясны

навічок гэтага туру

Хоць вясна паступова адыходзіць, музыка Валік Грышко вырашыў прэзэнтаваць у новым туры сваю новую кампазыцыю “На далонях вясны”. Усе песьні Валіка будуць актуальныя ў кожную паравіну году, бо, як прызнаецца музыка, усе яны “пра адно і тое ж” – пра каханьне. “На далонях вясны” Грышко выконвае не адзін, на бэк-вакале – сьпявачка Nina і Каця, вядомая з праекту “Штрых кот”. Пра сёньняшнія свае зацікаўленасьці, новыя праекты і песьні Валік Грышко распавёў ТГ.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.