Гіт-парад Тузіна Гітоў. Тур 19 (53).

чырвона-банэрная рэкляма:

архіў. гіт-парад. тур # 19 (53)
2 - 15 чэрвеня 2006

1	Ігар Варашкевіч і Лявон Вольскі	Аўтабіяграфія	mp3 hi	651

2	N.R.M.	Усё роўна мы пераможам!	mp3 hi	624

3	Neuro Dubel	Край	mp3 hi	623

4	Kroŭ/ČpB	Kryvavy Sakavik / Adzinaje Pytańnie / Zory	mp3 hi	397

5	Tav.Mauzer feat. Сьвета Сугака	Беларусь будзе вольнай!	mp3 hi	376

6	Indiga + Варашкевіч	Заенька	mp3 hi	354

7	IQ48	Сьвятло ў цемры	mp3 hi	352

8	UltraВожык	Фабрыка сноў	mp3 hi	333

9	Тінь Сонця	Песьня Чугайстра	mp3 hi	305

10	Дэпо	Не трымай	mp3 hi	251

11	Валік Грышко	На далонях вясны	mp3 hi	243

12	TerminX	Згубіцца	mp3 hi	220

Экспэрт ТГ Віталь Шум: “50% задавальненьня”

камэнтар экспэрта

Віталь Шум называе сябе анарха-індывідуалістам, псыхафашыстам, недапісьменьнікам і недажурналістам, хоць па апошнім апытаньні “Музыкальной газеты” быў прызнаны лепшым музычным журналістам краіны. Вядомы з самвыдатаўскіх праектаў – часопісы “Шум”, “Под Шумок”, “Окорок” ды іншыя, арганізатар рок-фэстывалей і канцэртаў у Магілёве. Быў дырэктарам шматлікіх магілёўскіх каманд "Авангардшкола", "Глюкі", "Сердце дурака", "Обаяние невовлеченности", "Молодость" і іншых. Нягледзячы на сваю апалітычнасьць, на сёньня Віталь мусіць нелегальна жыць у Маскве – кажа, што даскакаўся. Па нацыянальсьці – украінец і сьцярджае, што вядзе свой род ад гетмана Дарашэнкі. Вядомы сваімі русафільскімі поглядамі і лічыць, што “Тузін Гітоў” зьяўляецца “памагатым ляхаў”. Аднак, ставіцца да ТГ зь вялікай доляй сымпатыі. Кажа, што праект, у якім ёсьць паэзія і душа, мусіць жыць належна. Жадае, каб гіт-парад ніколі не пераўтварыўся ў сухую тупалобую прозу.

"Аўтабіяграфія" - міжнародны гіт!

камэнтар пераможцы

У 19-м туры “Тузіна Гітоў” зь невялікім адрывам ад бліжэйшага канкурэнта перамагла песьня “Аўтабіяграфія” ў выкананьні Ігара Варашкевіча і Лявона Вольскага. Гэты стары польскі гіт, аўтарам якога зьяўляецца група “Perfect”, быў перакладзены на беларускую мову Міхалам Анемпадыставым. Дарэчы, ён таксама напісаў словы да ўсіх песень праекту “Народны альбом”, выступ якога заплянаваны ў Палацы мастацтваў на 18 чэрвеня. А пакуль Міхал праводзіў апошнія падрыхтоўчыя мерапрыемствы да канцэрту, мы папрасілі яго пракамэнтаваць перамогу “Аўтабіяграфіі” ў нашым гіт-парадзе.

“Дэпо” зь песьняй пра Радзіму

навічок гэтага туру

Павал Гонца, лідэр гурта “Дэпо” – удзельнікаў новага тура на “Тузіне Гітоў” кажа, што ў іх прома-песьні “Не трымай” два сэнсы. “Словы лірычнага героя можна ўспрымаць, як зварот да дзяўчыны, ці да Радзімы. Нам да спадобы апошняе. Гэта патрыятычна-лірычная песьня”. Гурт “Дэпо” з задавальненьнем бяруць удзел у гіт-парадзе, які яны называюць “нашым Тузінам” і спадзяюцца на адэкватную ацэнку іх творчасьці. “А на “Басовішча” мы не паедзем – зарана яшчэ”, – дадаюць музыкі.

“Perfect” загучаў па-беларуску!

навічок гэтага туру

У новым туры на “Тузіне Гітоў” бярэ ўдзел адзін з галоўных гітоў польскага року, візытная картка гурта “Perfect” у беларускім варыянце. “Аўтабіяграфію” перасьпявалі ўдзельнікі супольнага музычнага праекту “Салідарны зь Беларусьсю”, а беларускі тэкст перастварыў аўтар “Народнага альбому” Міхал Анемпадыстаў. Ігар Варашкевіч: “Дзякуючы польскаму року я стаў сьпяваць па-беларуску”. Лявон Вольскі: “Было прыемна перасьпяваць гэты стары польскі гіт”. Песьня “Аўтабіяграфія” была выканана беларускімі музыкамі толькі адзін раз – на канцэрце ў Варшаве 12 сакавіка. “Жывы” запіс гэтага твору і стартуе з новага тура на “Тузіне Гітоў”…

Беларуска-польскі хіп-хоп

навічок гэтага туру

У асяродзі хіп-хопа існуе такі тэрмін як “mixtape”, гэта нелегальны альбом на якім знаходзяцца між іншым міксы старых трэкаў, акапэл з чужымі інструменталамі, рэміксы трэкаў іншых выканаўцаў і г.д. Мікстэйпы робяць і МС і DJ’і, і тыя, і тыя робяць іх па рознаму. Найбольш якасны mixtape бывае зразумела тады, калі МС і DJ спалучаюць свае сілы. Так зрабіў і Кроў, працуючы над промо-міксам да двух альбомаў – новага ЧпБ і сольнага Krou. DJ Spox - адзін з найбольш таленавітых і вядомых Хіп-Хоп DJ’аў Польшчы, а зараз і адзіны замежны, але поўнапраўны ўдзельнік гурта Чырвоным па Белым. Апавядае Кроў: “DJ Spox зьміксаваў тры мае акапэллы на інструментале Alchemist’а, галоўнага бітмэйкера вядомага гурта Prodigy. На promo-mix увайшлі звароткі з новага альбома ЧпБ, як і з майго сольніка”.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.