Гіт-парад Тузіна Гітоў. Тур 20 (54).

чырвона-банэрная рэкляма:

архіў. гіт-парад. тур # 20 (54)
16 - 29 чэрвеня 2006

1	N.R.M.	Усё роўна мы пераможам!	mp3 hi	497

2	Neuro Dubel	Край	mp3 hi	482

3	Ігар Варашкевіч і Лявон Вольскі	Аўтабіяграфія	mp3 hi	388

4	Kroŭ/ČpB	Kryvavy Sakavik / Adzinaje Pytańnie / Zory	mp3 hi	356

5	Тінь Сонця	Песьня Чугайстра	mp3 hi	330

6	UltraВожык	Фабрыка сноў	mp3 hi	322

7	КальЯн	Радыёактыўны сьнег	mp3 hi	320

8	Tav.Mauzer feat. Сьвета Сугака	Беларусь будзе вольнай!	mp3 hi	319

9	Indiga + Варашкевіч	Заенька	mp3 hi	319

10	IQ48	Сьвятло ў цемры	mp3 hi	319

11	Ur’ia	На Вялікадню	mp3 hi	190

12	Euforyja	Пра мяне	mp3 hi	149

Пазытыў ад IQ48

аўтсайдэр туру

Песьня групы IQ48 на вершы Міхала Анемпадыстава “Сьвятло ў цемры”, якая пратрымалася на “Тузіне Гітоў” ні больш ні менш 210 дзён, у 20 туры ўсё ж такі апынулася ў аўтсайдэрах. Вядома, “Здаровыя лосі” не засмучаюцца з гэтае нагоды і з уласьцівым ім аптымізмам глядзяць у будучыню. Свае пазітыўныя камэнтары выказаў нам вакаліст IQ48 Аляксандар “Ash” Ракавец.

N.R.M. усё роўна перамаглі

камэнтар пераможцы

Праз перапынак у два туры песьня N.R.M. - "Усё роўна мы пераможам" ізноў аказалася на першым месцы. Лідэр гурта Лявон Вольскі пільна сачыў за двубоем N.R.M. - Neuro Dubel і нашыя віншаваньні прыняў са сьмехам: "Шкада, што прыхільнікі "дзюбелю" гэтым разам былі не настолькі актыўныя". У 20-ым туры "Ўсё роўна мы пераможам" набрала куды меней галасоў, чым раней. "Мабыць, паразьяджаліся ўсе на адпачынак. Але знаходзяцца ж тыя, хто ў такую сьпёку сядзіць за кампутарамі ды галасуе", - мяркуе Вольскі, які некалькі дзён таму разам з N.R.M. вярнуўся з канцэртаў у Чэхіі.

Экспэрт ТГ Аляксей Шадзько: "Варта вучыцца граць і сьпяваць"

камэнтар экспэрту

Першы свой рок-гурт – “Доктор Моро” - заснаваў у 1988 годзе ў Ленінградзе. Кліп на песьню “Доктора Моро” – “Прощай, мой мальчик” увайшоў на некаторы час у ратацыю на эўрапейскае MTV. Да гэтага Аляксей працаваў у Тамбоўскай і Гарадзенскай філярмоніях і ў дзяржаўным канцэртным аркестры БССР. Адна зь яго самых вядомых кампазыцый на той час – “Пад зоркаю Пагоняй”. Па распадзе гурта “Доктор Моро” перайшоў у Дзяржаўны Рускі акадэмічны тэатар імя Горкага ў Менску, дзе працуе акторам і па сёньня. Выканаў ролі ў спэктаклях “Раскіданае гняздо” (Янка), “Хрыстос і Антыхрыст” (царэвіч Аляксей), “Амфітрыён” (Амфітрыён) ды інш. Музычную кар’еру працягнуў у 1996 годзе альбомам “Бэмс”. Аўтар музыкі да шматлікіх спэктакляў і кінафільмаў. У 1999 годзе заснаваў гурт “Сястра”, што складаецца з былых і цяперашніх удзельнікаў дзяржаўнага канцэртнага аркестра РБ. У дыскаграфіі мае шэсьць альбомаў. Лічыць, што музыка бывае таленавітай і кепскай, у незалежнасьці ад мовы выкананьня. Мяркуе, што гіт-парад – добры спосаб заявіць пра сябе менавіта маладым музыкам, а знаным тое ня надта патрэбна.

“Euforyja” зь беларускай балядай

навічок гэтага туру

Польскі гурт “Euforyja” прэзэнтуе ў новым туры на “Тузіне Гітоў” сваю галоўную рок-баляду – “Пра мяне”. Вакалістка гурта і аўтар песьні Мажэна Русачык нарадзілася ў Нарве пад Беластокам і вучылася ў звычайнай польскай школе. “Я сама зацікавілася беларускай мовай і самастойна яе вывучыла”, – прызнаецца сьпявачка. “Euforyja” вядомая з фэстывалю “Бардаўская восень”, дзе ў 2001 годзе стала ляўрэатам і атрымала права бясплатна запісаць альбом на “Радыё Беласток”. “Мы ўжо маем два альбомы, недзе з 30 песень, але цяпер амаль не выступаем – разышліся хто-куды”, – кажа Мажэна.

Галоўная песьня гурта “КальЯн”

навічок гэтага туру

У новым туры на “Тузіне Гітоў” бярэ ўдзел новая вэрсія песьні гарадзенскага гурта “КальЯн” – “Радыёактыўны сьнег”. “Мяне зьдзівіла, што вы абралі нашу песьню, – кажа лідэр “КальЯну” Аляксандр Дзянісаў. – Я думаў, што пра нас ужо ўсе забыліся”. “Радыёактыўны сьнег” упершыню была запісана ў 1997 годзе і стала візытоўкай колісь даволі папулярнай каманды. Сёлета “КальЯн” сабраўся ўпершыню за два гады, каб перапісаць некалькі сваіх старых гітоў у новым варыянце. “Мы спынілі сваё разьвіьцё, але працягваем пакуль існаваць”, – кажа Аляксандар Дзянісаў.

Беларускі архаічны блюз

навічок гэтага туру

“Няпроста спалучыць блюз зь беларускімі архаічнымі песьнямі, але ў нас гэта атрымалася!”, - кажа лідэр гурта “Ur’ia” Юры Выдронак пра “На Вялікадню” - песьню-навічка 20-га тура ў гэтым музычным сэзоне на “Тузіне Гітоў”. З гэтай песьняй Ur’ia вяртаецца ў музычную прастору пасьля скандальнага выключэньня з намінантаў на “Эўравізію-2005”. “Нас ня бачна, бо мы не падпадаем пад той музычны фармат, які сфармаваўся дзякуючы Беларускай тэлерадыёкампаніі. У іх свае песьні і скокі, яны самастойна абіраюць тых, хто мусіць прадстаўляць краіну на міжнародных фэстывалях”, - кажа Юры...

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.