Гіт-парад Тузіна Гітоў. Тур 1 (55).

чырвона-банэрная рэкляма:

архіў. гіт-парад. тур # 1 (55)
8 - 21 верасьня 2006

1	:B:N:	Дажджамі	mp3 hi	682

2	Город 312	Вясна	mp3 hi	507

3	Recha	Бацькаўшчына	mp3 hi	447

4	Krok	Навальнiца	mp3 hi	346

5	Алесь Камоцкі	Лета	mp3 hi	319

6	Pete-Paff	Cok-cok-cok	mp3 hi	285

7	Sunville	16	mp3 hi	265

8	Camerata	Агонь да нябёсаў	mp3 hi	229

9	Usplёsk	Siстэма	mp3 hi	221

10	Liberum Veto	Жыцьцё	mp3 hi	184

11	Віртуальныя тэхналёгіі	Amour, Amour	mp3 hi	145

12	Гайда	Варэнічкі	mp3 hi	105

Супольная перамога :B:N:

камэнтар пераможцы

Сымбалічна, але ў першым туры новага сэзону на "Тузіне Гітоў" упершыню перамог бярозаўскі гурт :B:N:. Лідэр гурта Алесь Лютыч быў вельмі ўсьцешаны гэтым паведамленьнем і з задавальненьнем падзяліўся з карэспандэнтам парталу сваімі думкамі і ўражаньнямі.

Экспэрт ТГ Міхал Анемпадыстаў: «:В:N: напраўду лепшыя!»

камэнтар экспэрта

Паэт і мастак Міхал Анемпадыстаў - "чалавек сэзону" на "Тузіне Гітоў", аўтар легендарнага "Народнага альбому", шматлікіх вершаў і тэкстаў для беларускіх камандаў. Па словах паэта, сам ён час ад часу наведвае інтэрнэт-старонку, але свой голас не аддае нікому. Міхал вельмі пазытыўна ставіцца да ідэі "Тузіна Гітоў" і чакае выхаду поўнафарматнай вэрсыі гіт-парада на беларускіх FM-хвалях, бо лічыць, што менавіта гэты факт робіць песьні сапраўднымі гітамі.

"Город 312" на “Тузіне Гітоў”

навічок гэтага туру

Гурт “Город 312” – прэтэндэнт на атрыманьне адразу шасьці намінацый на MTV Russia Music Awards 2006, у тым ліку і “Лепшы рок-гурт”, прэзэнтуе ў 1-м туры на “Тузіне Гітоў” сваю беларускамоўную песьню “Вясна”. “Беларускую, роўна як і ўкраінскю вэрсіі песьні “Вясна”, мы вырашылі запісаць адмыслова для слухачоў суседніх краінаў. Дзеля гэтага мы доўга працавалі над вымаўленьнем - і вось нарэшце выйшла тое, што выйшла”, - кажа вакалістка гурта Ая. На “Тузіне Гітоў” ужо ўдзельнічалі ўкраінскія і польскія каманды, а вось расейцы бяруць удзел у нашым чарце ўпершыню.

"Recha" супраць стабільнасьці

навічок гэтага туру

Гурт Recha сьпявае пра партызанаў. Пра сапраўдных партызанаў часоў Другой сусьветнай вайны. А таксама пра немцаў, чужынскія танцы, здраду, помсту і цярпеньне. Усё гэта – у новай песьні Recha “Бацькаўшчына”, якую гурт прэзэнтуе ў першым туры “Тузіна Гітоў”. Як зазначыюць самі музыкі, схіліцца да тэмы вайны іх прымусіў цяпершні стан беларускага грамадзтва, калі ўсе танчаць пад чужыя песьні. Але Recha заклікае: “Трэба цярпець!”.

"Гайда": і дзецям дапамаглі, і ў "Тузін" патрапілі

навічок гэтага туру

Гурт “Гайда” за ўвесь час свайго існаваньня ўжо пасьпеў нарабіць добрых справаў. Самым вялікім дасягненьнем удзельнікі калектыва лічаць (і слушна робяць!) тое, што падчас гадавых гастроляў па Нямеччыне яны сабралі 60 000 эўра для дзяцей, хворых на рак. Нягледзячы на тое, што “Гайда” пад рознымі назвамі існуе з 1996 году, іх песьня ўпершыню трапіла ў “Тузін Гітоў”. Праўда кампазыцыі з асобных праектаў некаторых з удзельнікаў гурта час ад часу фігуравалі ў нашым гіт-парадзе. Сярод музыкаў “Гайды” – Лёня Паўлёнак, Маша Васілеўская і іншыя.

Школьніцкая песьня ад “Liberum Veto”

навічок гэтага туру

Гурт Liberum Veto, напэўна, самы малады на сёньняшняй беларускай сцэне. Але нягледзячы на тое, што нават ня ўсе яго ўдзельнікі пасьпелі скончыць сярэднюю школу, агульная гісторыя каманды падыйшла да чатырохгадовай адзнакі. У новым туры на "Тузіне Гітоў" Liberum Veto прэзэнтуюць песьню "Жыцьцё". Заснавальніца гурта й аўтарка словаў гэтай песьні Ганна Кучэўская кажа, што “Жыцьцё” зьявілася ячшэ за ейнымі школьніцкімі гадамі.

Usplёsk: канечне, аб сапраўдным каханьні

навічок гэтага туру

У першым туры новага музычнага сэзону на "Тузіне Гітоў" маладэчанска-менскі гурт Usplёsk прэзэнтуе песьню "Siстэма" са свайго апошняга альбому "КАРАгод". Няпросты альбом, напростая песьня. Вакаліст каманды Shust аказаўся ня менш загадкавым за караля Стаха Ўладзіміра Караткевіча. Вельмі сьціпла і досыць па-філязоўску распавёў ён пра твор-удзельнік гіт-параду, маўляў, песьні ня маюць патрэбы ў тлумачэньнях - усё скажа сэрца самога слухача.

Алесь Камоцкі на даху лета

навічок гэтага туру

Зусім нядаўна ў вядомага беларускага барда Алеся Камоцкага, які пачаў сваю музычную дзейнасьць ажно ў 80-х гадох мінулага стагодзьдзя, выйшаў новы альбом пад дзіўным назовам "Дах", што лягічна працягвае дасьціпны і трапны, трохлітарны тэматычны ланцужок альбомаў: спачатку быў "Дым", а потым быў "Дом" (адкуль узяўся дым бяз дома і як атрымаўся дом бяз даху - таямніца). У "Даху" бліскуча адыграны ўсе партыі ды чысьценька прасьпяваныя ўсе ноткі. У новым туры на "Тузіне Гітоў" стартуе песьня з новага альбома Алеся Камоцкага "Дах".

:B:N: з кранальнымі “Дажджамі”

навічок гэтага туру

Шматлікія польскія гастролі не зашкодзілі бярозаўцам з :B:N: прэзэнтаваць у чародны тур гіт-параду на “Тузіне Гітоў” новую песьню. Іх песьня "Дажджамі", бадай, самая кранальная з усяго новага альбому "Жыве рок-н-рол!". Па словах лідэра каманды Алеся Лютыча, твор прысьвечаны няшчаснаму каханьню. А стварыць атмасфэру сапраўднага тужлівага пачуцьця Алесю дапамагла былая вакалістка берасьцейскае “Сьцяны” Яўгенія Хіло.
Песьня ў гіт-парадзе й цяпер слухачам давядзецца высьвятляць, ці кране “Дажджамі” іхнія сэрцы.

Восеньская "Навальнiца" ад "Krok"

навічок гэтага туру

Зь песьняй “Навальніца” ў першым туры гіт-параду “Тузіна Гітоў” удзельнічае вядомы гранж-гурт “Krok”. “Гэта песьня пра тое, як за зьнешняй прыгажосьцю чалавека можа хавацца нешта скрайне жахлівае і непрыгожае, а не пра дрэннае надвор’е і кепскі настрой,” - кажа саліст гурта і аўтар песьні Рома Сухоцкі. - Але я як заўсёды за тое, каб кожны па-свойму раскрываў сэнс, а ня аўтар песьні яго навязваў, таму, - кажа ён, - калі камусьці гэтая песьня добра слухаецца проста па сумных панядзелках - я ня супраць!”

Пітава драматургія

навічок гэтага туру

Фолькавы праект Піта Паўлава “Pete-Paff” выдаў нарэшце першы альбом - “Паглыбленьне”. Зь песьняй “Cok-cok-cok”, якая пісалася адмыслова для альбому, “Pete-Paff” удзельнічае ў першым туры гіт-параду “Тузіна Гітоў”. “Гэты твор быў напісаны паводле аналягічнай народнай песенькі, - распавядае Піт, - а самае цікавае ў ім - асаблівы тэатралізаваны момант у сярэдзіне”. Піт ужо ведае, як гэты момант будзе выглядаць у кліпавым варыянце песьні.

“Віртуальныя тэхналёгіі”: “Нас не запарафіняць!”

навічок гэтага туру

Поп-гурт “Віртуальныя тэхналёгіі” прэзэнтуе ў 1-м туры на “Тузіне Гітоў” сваю першую беларускамоўную песьню “Amour, Amour”. “Мы займаліся шэсьць год расейскамоўнай папсой, патусаваліся ў Маскве і вярнуліся з поўным багажом ведаў. Цяпер мы сьцвярджаем: беларускамоўная папса – гэта пантова і крута”, - кажа вакаліст магілёўскага калектыва Алесь Буракоў. Сьпявак настойвае на тым, што сёньня трэба рабіць поп-музыку менавіта на беларускай мове: “І няхай усе папсавікі хочуць пяяць па-расейску. Мы не такія! Мы любімм папсу і беларускую мову”, - працягвае Алесь.

Забойная рэч ад “Camerata”

навічок гэтага туру

“Гэта адначасова адна з самых нашых забойных рэчаў і адзін з самых складаных нумароў. Пад яе на канцэрце нам прыходзіцца ледзьве ня бегаць, бо яна выконваецца з харэаграфіяй”, - кажа пра песьню “Агонь да нябёсаў”, якая дэбютуе ў 1-м туры на “Тузіне Гітоў” вакаліст “Camerata” Аляксандар Доўнар. Бадай што лепшы беларускі вакальны калектыў выдаў сёлета альбом “Дзіва”, які складаецца цалкам зь беларускамоўных кампазыцыяў. “Агонь да нябёсаў”, якраз з гэтага густоўна аздобленага дыску.

Чыста жаноцкая Салідарнасьць

навічок гэтага туру

Берасьцейскі гурт “Sunville”, які складаецца выключна з жанчынаў, прэзэнтуе ў 1-м туры ў новым музычным сэзоне на “Тузіне Гітоў” песьню “16”. “Мы яе запісалі перад сакавіцкімі падзеямі, адмыслова да Дня Салідарнасьці”, - кажа гітарыстка гурта Вера Яромава. “Sunville” вырашылі пайсьці шляхам сваіх украіснкіх калегаў “De Shifer”. Тыя растыражавалі сваю песьню на некалькіх мовах. “16” ужо запісана па-беларуску, польску, ангельску і расейску. На “Тузіне Гітоў” берасьцейскія дзяўчыны прэзэнтуюць, натуральна, беларускамоўны варыянт свайго твора.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.