Гіт-парад Тузіна Гітоў. Тур 6 (60).

чырвона-банэрная рэкляма:

архіў. гіт-парад. тур # 6 (60)
17 - 30 лістапада 2006

1	:B:N:	Daždžami...	mp3 hi	617

2	ZET	Love Story - Don`t Worry	mp3 hi	512

3	Анжаліка Агурбаш	Вянок	mp3 hi	496

4	Зьміцер Вайцюшкевіч	Мора	mp3 hi	416

5	Indiga	Бяжы са мной	mp3 hi	360

6	Znich	Беларусь	mp3 hi	341

7	Recha	Бацькаўшчына	mp3 hi	340

8	Pete-Paff	Cok-cok-cok	mp3 hi	337

9	Віктар Шалкевіч	Горад	mp3 hi	336

10	Čyrvonym pa Biełym	Chvilina cišyni 2	mp3 hi	335

11	Krok	Навальнiца	mp3 hi	272

12	Комба Бакх	Пра быт	mp3 hi	111

Пятая перамога :B:N:

камэнтар пераможцы

На першую прыступку ў шостым туры на «Тузіне Гітоў» з адрывам ад бліжэйшых апанэнтаў з гурта ZET у 105 галасоў зноў узьняліся бярозаўскія героі :B:N:. Паведамленьне пра чарговую перамогу ў нашым гіт-парадзе хлопцы сустрэлі са сьмехам і разгубленасьцю ў голасе. Маўляў, словаў на камэнтары ўжо не хапае. Да таго ж, усе думкі былі занятыя чаканьнем першага сольнага канцэрту гурта ў беларускай сталіцы.

Экспэрт ТГ Юры Зісер: “Беларусы могуць узбагаціць сусьветную культуру”

камэнтар экспэрту

Юры Зісер нарадзіўся ў 1960 годзе. Скончыў Паўднёва-Заходні палітэхнічны інстытут (Санкт-Пецярбург) па спэцыяльнасьці "Электронныя вылічальныя машыны". Прафэсійны праграміст, сыстэмны аналітык. Працаваў у шэрагу праектаў на прамысловых прадпрыемствах і ў навуцы. Заснаваў беларускі інтэрнэт-партал TUT.BY. Ад гэтага часу зьяўляецца дырэктарам і ўладальнікам УП "Надзейныя праграмы" (гандлёвая марка TUT.BY.). Стажыраваўся ў фірмах ЗША, Нямеччыны, Францыі. Дацэнт Беларускага дзяржаўнага ўнівэрсытэта інфарматыкі і радыёэлектронікі. Т'ютар шэрагу бізнэс-школаў. Аўтар навуковых дапаможнікаў. У 2002 годзе абраны чалавекам году ў беларускім інтэрнэце. Сталы наведнік інтэрнэт-парталу "Тузін Гітоў" ад моманту яго заснаваньня. "Я ня ведаю больш аўтарытэтнай арганізацыі, чым ТГ, якая бы так сыстэматызавана і цікава займалася прасоўваньнем беларускай музыкі", - кажа экспэрт ТГ. Юры Зісер лічыць, што музыка кожнай краіны мусіць абапірацца на нацыянальныя чыньнікі. Не выключэньне тут і беларуская музыка. "Толькі тады яна можа займець посьпех у сьвеце!" - цьвердзіць ён.

Патрыятычны “Znich”

навічок гэтага туру

“Беларускіх патрыятычных песень – вобмаль, а ў цяжкай музыцы іх няма зусім”, - лідэр гурта “Znich” Алесь Таболіч пасьля праслухоўваньня песьні “Беларуссія” Кірыла Слукі вырашыў напісаць патрыятычную песьню з нармальнымі словамі. “Беларусь – нельга вось думаць, думаць і выдумаць. Беларусь – гэта наша зямля, гэта нашая маці і бацька. Мая песьня – гэта шчыры патрыятызм, у адрозьненьні ад некаторых твораў папсавікоў”. “Znich” да свайго 10-годзьдзя прэзэнтуе ў новым туры на “Тузіне Гітоў” песьню “Беларусь”, - якая ўвойдзе ў сьвежы альбом каманды “Крыжы-абярэгі”.

Маскоўскі гурт “Комба Бакх” на “Тузіне Гітоў”

навічок гэтага туру

Таямнічы расейскі гурт “Комба Бакх”, які запісаў за шэсьць год свайго існаваньня ажно 34 альбомы, прэзэнтуе ў новым туры на “Тузіне Гітоў” сваю новую беларускамоўную песьню “Пра быт”. “Комба Бакх” запяялі па-беларуску пачынаючы зь сёмага альбома. З таго часу на кожным іх дыску прысутнічае як мінімум адна беларускамоўная песьня. “Мне падабаецца Беларусь. У мяне там брат жыве”, - кажа лідэр гурта Андрэй Логвінаў, які нарадзіўся ў Кіраве, большасьць жыцьця пражыў у Кастраме, а потым пераехаў у Маскву. “У вас тут людзі куды дабрэйшыя і чалавечныя, чым у Расеі. Прырода ў вас – клясная. І музыка”.

Анжаліка Агурбаш: “Не забывайце песень нашых!”

навічок гэтага туру

“Мне вельмі хочацца, каб нашыя дзеці, каб нашае маладое пакаленьне не забывалі беларускія песьні, якія нарадзіліся шмат год таму”, - кажа сьпявачка, у якой нядаўна зьявіўся альбом “Беларусачка”, што складаецца з ўжо добравядомых народных песень кшталту “Касіў Ясь канюшыну” і “Рэчанька”, а таксама шэрагу аўтарскіх. Адну са сваіх апошніх кампазыцый – “Вянок” на словы Ўладзімера Някляева, Анжаліка Агурбаш прэзэнтуе ў новым туры на “Тузіне Гітоў”.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.