Гіт-парад Тузіна Гітоў. Тур 11 (65).

чырвона-банэрная рэкляма:

архіў. гіт-парад. тур # 11 (65)
9 - 22 лютага 2007

1	Osimira	Зязюля мыя серыя	mp3 hi	767

2	Tav.Mauzer	Калыханка	mp3 hi	724

3	:B:N:	Daždžami...	mp3 hi	594

4	Krama	Неба - лёс арла	mp3 hi	445

5	Зьміцер Вайцюшкевіч	Мора	mp3 hi	400

6	Алмазны фронт	Далёка да неба	mp3 hi	354

7	Тацьцяна Беланогая	Дзеці неба	mp3 hi	352

8	Tarpach	Нечакана	mp3 hi	346

9	žygimont VAZA	Не глядзі...	mp3 hi	345

10	Vodar Suśviet	Ільдзінка	mp3 hi	342

11	Unia	Свахначка	mp3 hi	309

12	Like a Gossamer	Дарога	mp3 hi	229

Экспэрт ТГ Стэфан Эрыксан: “Беларуская музыка for alltid!”

камэнтар экспэрту

Сп. Эрыксан - кіраўнік аддзяленьня амбасады Швэцыі ў Беларусі. Ён нарадзіўся ў 1962 годзе ў горадзе Вэстарос (Швэцыя). Скончыў Стакгольмскі інстытут эканомікі і гандлю. У 1992 годзе паступіў на дыпляматычную службу, працаваў у Маскве, Брусэлі і Санкт-Пецярбургу. У верасьні 2005 года прыехаў у Менск, каб узначаліць аддзяленьне Швэдзкай Амбасады ў Беларусі. Адразу сабе паставіў за мэту вывучыць беларускую мову, і такім чынам стаў цікавіцца беларускай сучаснай музыкай. Спачатку было незразумела, ці існуе ўвогуле музыка на беларускай мове. Потым стала вядома, у тым ліку праз "Тузін Гітоў", што яна ёсьць! Цяпер не прапускае ў Менску ніводнага буйнога канцэрту. Спрыяў арганізацыі канцэрту N.R.M. у Каралеўскім тэатры ў Стакгольме, супольнага канцэрту “Drum Ecstasy” i швэдзкага выканаўцы фры-джаза Дрора Файлера ў Менску. Лічыць, што беларускія музыкі ствараюць вельмі шчырую, моцную і таленавітую музыку, якая заслугоўвае значна больш увагі, чым большасьць з таго, што паказваюць па беларускай тэлевізіі. Упэўнены, што калі-небудзь гэта музыка будзе ацэненая па заслугах.

“Osimira”: двойчы зьдзіўленыя

камэнтар пераможцы

“Па шчырасьці, мы другі раз зьдзіўленыя такім посьпехам сваёй песьні”, - кажа Андрусь Палаўчэня, лідэр магілёўскай каманды “Osimira”, якая зь песьняй “Зязюля” перамагла ў 11-м туры на “Тузіне Гітоў”. Музыка распавёў пра свае ўпадабаньні ў гіт-парадзе і выказаў думку, што наступныя туры будуць за іншымі выканаўцамі. “Мяркую, што “Калыханка” ды “Ільдзінка” – вартыя эўрапейскіх гіт-парадаў, а сам я буду галасаваць у 12-м туры за праект UNICEF”.

Новая песьня ад “zygimont VAZA” ў “Тузіне Гітоў”!

навічок гэтага туру

У чарговым туры «Тузіна Гітоў» бярэ ўдзел песьня «Не глядзі…» з новага дыску «Distortion» аднаго з найстарэйшых беларускіх гуртоў «zygimont VAZA», які сёлета спраўляе 20-годзьдзе сваёй дзейнасьці. Скрыпа: “Гэты твор атрымаўся даволі нечаканым для традыцыйнага жыгімонтаўскага гучаньня. Зь іншага боку – кожны з альбомаў гурта прынцыпова адрозьніваўся ад папярэдніх як паводле эмацыйнага запалу, так і паводле ўласна музычнае падачы матэр’ялу. Такім чынам, маем зусім новы альбом, запісаны ў больш «традыцыйна рокавае» стылістыцы, што, аднак, абсалютна не зрабіла «zygimont VAZA» эмацыйна менш насычаным”.

“Тузіноўскі” дэбют: новая “Unia” ў гіт-парадзе!

навічок гэтага туру

Гэтаму гурту ўсяго тры месяцы, але ён ужо пасьпеў запісаць дэма-альбом, абтэлефанаваць усіх менскіх прадусараў і засьвяціцца на радыё. “А вы ведаеце, што калектыў пад такой назвай ужо існуе?”, - пытаюся, маючы на ўвазе хор “Унія” пад кіраўніцтвам Кірылы Насаева. “Так, але ён ўжо спыніў сваё існаваньне, а нам надта падабаецца гэтая назва!”, - адказваюць удзельнікі гурта. Новая “Unia” мае такую здаровую рэшту нахабства, дзякуючы якому можа шмат чаго дасягнуць... А пакуль яны дэбютуюць у новым туры на “Тузіне Гітоў” зь песьняй “Свахначка”.

“Vodar Susviet” здрады не даруе

навічок гэтага туру

Яшчэ ў самым першым музычным сэзоне на “ТГ” дэбютавала малавядомая магілёўская каманда “Vodar Susviet”. Тады аніякіх вяршыняў музыкі не скарылі, аднак патрапілі ў першую складанку ад нашага гіт-параду. Мінула некалькі год і вось цяпер каманда “Vodar Susviet”, адзначаная прызамі на апошніх двух галоўных беларускіх фэстах “Басовішча” і “Рок-Кола”, прэзэнтуе новую песьню “Ільдзінка”. Лідэр каманды Сяржук Завадзкі: “У гэтай песьні – маё стаўленьне да паміраючага каханьня – здрады. Гэта даволі і крыўднае і балючае пачуцьцё”. Бывае цяжка ўзяць сябе ў рукі, сказаць, што ўсё ўжо прамінула і што – далей зь песьні - “больш ніколі не знайсьці каханьня ў начы”.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.