Гіт-парад Тузіна Гітоў. Тур 12 (66).

чырвона-банэрная рэкляма:

архіў. гіт-парад. тур # 12 (66)
23 лютага - 8 сакавіка 2007

1	Osimira	Зязюля мыя серыя	mp3 hi	946

2	Tav.Mauzer	Калыханка	mp3 hi	746

3	:B:N:	Daždžami...	mp3 hi	609

4	Krama	Неба - лёс арла	mp3 hi	453

5	Step	Прыйдзе новы дзень	mp3 hi	358

6	Зьміцер Вайцюшкевіч	Мора	mp3 hi	356

7	Алмазны фронт	Далёка да неба	mp3 hi	344

8	Бан-Жвірба	Малпы	mp3 hi	343

9	UNICEF	Сьпі, мая кветачка	mp3 hi	341

10	Тацьцяна Беланогая	Дзеці неба	mp3 hi	322

11	Tarpach	Нечакана	mp3 hi	296

12	žygimont VAZA	Не глядзі...	mp3 hi	242

Osimira: “Дзякуй гэтай вясьне!”

камэнтар пераможцы

946 галасоў назьбірала песьня “Зязюля” магілёўскага гурта Osimira. Музыкі сьвяткуюць трэцюю запар перамогу на “Тузіне Гітоў” і атрымліваюць віртуальны “Оскар” ад Андрэя Хадановіча – экспэрта мінулага тура гіт-параду. Хадановіч: “Яны геніяльна зрэжысэравалі ўсе кампанэнты!”. Osimira гэтым разам прысьвячаюць сваю перамогу дзяўчынкам, жанчынам, матулям, бабулям і фарумчанкам.

Тузін пантоў ад Андрэя Хадановіча

камэнтар экспэрта

Экспэрт ТГ Андрэй Хадановіч нарадзіўся 13 лютага 1973 ў Менску. Навучаўся ў школе №113, потым у школе №162. Скончыў расейскае аддзяленьне філфаку БДУ, асьпірантуру пры БДУ. Выкладае замежную (францускую) літаратуру на філялягічным факультэце ў БДУ. Таксама выкладае ў Ліцэі імя Коласа і Беларускім калегіюме. Займаецца інтэлектуальнымі гульнямі кшталту «Што? Дзе? Калі?» (каманда МІФ). Перакладае на беларускую мову з ангельскай, польскай, расейскай, украінскай, францускай. Цяпер яго бібліяграфія налічвае шэсьць кніг. Акром усяго, Андрэй Хадановіч яшчэ і сьпявае - сёе-тое зь яго музычнага даробку можна пачуць на альбомах праекту "Партызанская школа" і "Я люблю ліцэй". Сваё стаўленьне да беларускай музыкі акрэсьлівае, як звышпазытыўнае. Асаблівай любоўю Хадановіча зьяўляецца рок-паэзія Міхала Анемпадыстава і творчасьць гурта "Indiga". "Тузін Гітоў" у паэта выклікае самыя трапяткія пачуцьці, бо тут прадстаўлены ўсе спэктры беларускай музыкі. "А я якраз і люблю айчынную музыку ва ўсіх яе праявах", - кажа адзін з самых папулярных беларускіх паэтаў сучаснасьці.

“Бан-Жвірба”: сацыяльная алегорыя ў рэчышчы Оруэла

навічок гэтага туру

У новым туры на “Тузіне Гітоў” гомельскі гурт “Бан-Жвірба”, новы альбом якога днямі мае выйсьці на адным з расейскіх лэйблаў, прэзэнтуе сваю новую песьню “Малпы”. “Яна была напісана ў год малпы, гэта стылізаваная пародыя на сучасныя мадэрновыя стылі ня вельмі цяжкай музыкі, па зьмесьце - сацыяльная алегорыя, якая працягвае дух твораў Дж.Оруэла”, - так прадстаўляюць свой твор самі музыкі.

Step: "Прыйдзе новы дзень!"

навічок гэтага туру

У новым туры на "Тузіне Гітоў" польска-беларускі праект "Step" з новай песьняй "Прыйдзе новы дзень". Лідэр праекту Лукаш Сьцепанюк жыве ў Беластоку, трымае польскамоўны сайт пра беларускую музыку Zona, працуе ды-джэем на польскай FM-станцыі і піша песьні па-беларуску. Песьня "Прыйдзе новы дзень" - своеасаблівы пратэст супраць сёньняшніх настрояў польскай моладзі. Так тлумачыць яе сэнс сам сьпявак. "Ня варта глядзець на плястмасавых зорак ды жыць толькі дзеля грошай!", - заўважае Лукаш.

Гурт UNICEF: усім дзеткам сьвету

навічок гэтага туру

Зьміцер Вайцюшкевіч, Ларыса Грыбалёва, Тамара Лісіцкая і Ксенія Мінчанка прадстаўляюць у новым туры на “Тузіне Гітоў” супольную песьню “Сьпі, мая кветачка”, якая прысьвячаецца ўсім дзеткам сьвету. Гэтая песьня ўвайшла ў сумесны праект айчынных музыкаў і дзіцячага фонду ААН UNICEF, таму і вырашылі назваць гурт па назьве арганізацыі. “Я ўдзячна лёсу за тое, што мне давялося папрацаваць у гэтым праекце”, - кажа поп-сьпявачка і тэлевядучая Ларыса Грыбалёва. Зьміцер Вайцюшкевіч прызнаецца, што менавіта гэтую песьню ён часьцяком напявае свайму сыну. На гэты ж твор рэжысэр Юлія Ляшкевіч зьняла прыгожы кліп.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.