Гіт-парад Тузіна Гітоў. Тур 10 (44).

чырвона-банэрная рэкляма:

архіў. гіт-парад. тур # 10 (44)
27 студзеня - 9 лютага 2006

1	Кася Камоцкая	Шостае падарожжа	mp3 hi	391

2	IQ48	Сьвятло ў цемры	mp3 hi	377

3	Tav.Mauzer	Брудная вада	mp3 hi	292

4	Сьцяна	Можна быць	mp3 hi	265

5	Глюкі	Ападкі	mp3 hi	256

6	Imprudence	Малюся багам	mp3 hi	240

7	zygimont VAZA	ContraБанда	mp3 hi	236

8	Палац	Праваджала маці сына	mp3 hi	234

9	Зьмяя	Чукча	mp3 hi	233

10	Usplesk	Мара	mp3 hi	231

11	Drum Ecstasy	Football light	mp3 hi	228

12	Паўднёвы вецер	Там	mp3 hi	93

“Шостае падарожжа” – у пяцёрцы лепшых песень у гісторыі “ТГ”

статыстыка туру

Трэцяй перамогай запар песьня Касі Камоцкай “Шостае падарожжа” ўвайшла ў пяцёрку лепшых песень за ўсю гісторыю “Тузіна Гітоў”. Акрамя гэтай песьні тры разы перамагалі: Neuro Dubel – “Жыцьцё”, Зьміцер Вайцюшкевіч і WZ-orkiestra – “Я ішоў да цябе”, Лявон Вольскі – “Павешаным 1863”. А “Белакрылы анёл” гурта Zet перамагаў пяць разоў. Традыцыйны матэматычны аналіз 44-га тура галасаваньня ў гіт-парадзе “Тузін Гітоў” ад галоўнага арытмэтыка “ТГ” – RWD: у 44-ым туры за 12 песень было аддадзена 3076 галасоў, што ў сярэднім склала 220 галасоў за дзень галасаваньня. Колькасьць галасоў ізноў пачала набліжацца да лічбаў канцу мінулага году.

"Там" на вылеце

аўтсайдар гэтага туру

Чацьверты тур запар адзін з навічкоў “Тузіна Гітоў” займае апошняе месца. У гэты раз такім навічком сталася група “Паўднёвы вецер” зь іхняй песьняй “Там”, якая адстала ад двух іншых аўтсайдэраў больш як на сто наведніцкіх галасоў. Сваё меркаваньне на гэты конт выказаў вакаліст каманды Яўген Купрыянаў: “Мы стараліся ўважліва сачыць за ходам туру, хоць не заўсёды атрымлівалася. Было цікава назіраць за галасаваньнем, ня гледзячы на тое, што нашая кампазыцыя амаль і не рухалася па пазыцыях.”

Экспэрт “ТГ” Тамара Лісіцкая: Вайны быць не павінна!

камэнтар экспэрта

Вынікі 10-га тура на “Тузіне Гітоў” камэнтуе тэле- і радыё-вядучая Тамара Лісіцкая.
Зь беларускай музыкай Тамара знаемая даволі блізка. Апроч таго, што яна ўзяла безьліч інтэрвію ў музыкаў, дык яшчэ зусім нядаўна выканала песьню дуэтам з Уладзімерам Пугачам. Дарэчы, гэтая песьня, прасьпяваная на беларускай мове, увойдзе ў новы альбом групы J_морс, што мае выйсьці ў гэтым годзе. Стаць экспэртам “Тузіна Гітоў” Тамара пагадзілася з задавальненьнем, зазначыўшы, што яна добра ведае гэты сайт і зьяўляецца трывалым ягоным наведнікам.

"Imprudence" "моліцца багам"

навічок гэтага туру

У новым туры на “Тузіне Гітоў” група “Imprudence” прэзэнтуе кампазыцыю “Малюся багам” з трыб’юту “Gods Tower” “Варта Вежы Багоў”. Гэтую песьню, у арыгінале вядомую, як “An Eye For An Eye”, называюць адной зь лепшых на альбоме. Адмыслова для складанкі словы былі перакладзеныя на беларускую мову, а сам кавэр аздобіла партыя скрыпкі. У 2005 годзе гурт зь першай жа спробы выйшаў пераможцам "Басовішча", ці атрымаецца ў іх так жа імкліва скарыць вяршыню на "Тузіне Гітоў"?..

“Football Light” ад “забароненых бубначэй”

навічок гэтага туру

У новым туры, ды на “Тузіне Гітоў” наогул, дэбютуе група з багатай гісторыяй – “Drum Ecstasy” з новай вэрсіяй песьні “Football”, вядомай зь іх ранейшых альбомаў ды са складанкі “БУМ”. “Гэта ўнікальная песьня, бо мы яе запісвалі найчасьцей за астатнія. Існуе недзе ля пяці яе вэрсій, - апавядае лідэр групы Філ Чмыр. – Самую апошнюю – аблегчаную – мы рады прэзэнтаваць на меркаваньне наведнікаў “Тузіна Гітоў”.
Аблегчыўся “Football” за кошт клявішаў – карціла музыкам крыху “прыпапсіць” нялёгкае гучаньне групы. “Самі мы не вялікія аматары футболу – працягвае Філ. – Але гульні чэмпіянату сьвету глядзім. Песьня “Football” нарадзілася з нашай ідэі надаць музычную форму сацыяльным рытмам. Гэты твор адлюстроўвае рытмы футбольных заўзятараў”.

“Паўднёвы вецер”: “А цяпер дыскатэка!”

навічок гэтага туру

Цяпер вершы Ларысы Геніюш загучаць і на дыскатэках! Танцавальны поп-праект “Паўднёвы вецер”, больш вядомы, як “Южный ветер”, прэзэнтуе ў новым туры на “Тузіне Гітоў” сваю новую песьню “Там”. Вакаліст каманды Яўген Купрыянаў апавядае, што гэты твор узьнік, як плён супрацы з БМА-груп. “Мы супрацоўнічалі і раней. Для трыб’юту N.R.M., напрыклад, мы зрабілі песьню Лявона Вольскага “Фабрыка” на танцавальны манэр. Летась нам прапанавалі ўзяць удзел у складанцы на вершы Ларысы Геніюш і мы з задавальненьнем пагадзіліся”. “Паўднёвы вецер” нядаўна выдаў свой альбом “Люблю”, дзе, акрамя “Там”, песень па-беларуску няма.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.