Гіт-парад Тузіна Гітоў. Тур 2 (76).

чырвона-банэрная рэкляма:

архіў. гіт-парад. тур # 2 (76)
21 верасьня - 4 кастрычніка 2007

1	Глюкі	АntiEMO (Parket)	mp3 hi	690

2	Сьцяна	Калыханка	mp3 hi	671

3	Nevma	Ня веру табе	mp3 hi	505

4	Акропаль	Requiem	mp3 hi	440

5	Авангардшкола	Сінявокая	mp3 hi	409

6	Мікалай Аруцюнаў і Крама	Бяжы, хлопец	mp3 hi	347

7	Dali	Я люблю тваё неба шэрае	mp3 hi	310

8	P.L.A.N.	Растаньне	mp3 hi	295

9	Гудвін	Дайце шанец!	mp3 hi	266

10	Rosy	Гады лятуць	mp3 hi	265

11	Хуткі Смоўж	Лебедзі	mp3 hi	191

12	Песьняры	Распавядальная	mp3 hi	109

«Глюкі»: «Мы пішам толькі супэр-гіты!»

камэнтар пераможцы

Навіна пра перамогу песьні «AntiEMO» гурта «Глюкі» ў другім туры «Тузіна Гітоў» засьпела каманду якраз падчас рэпэтыцыі, перад чарговым канцэртам 5-га кастрычніка. Перамогу камэнтавалі ўсе адразу, перакрыквая адзін аднаго, ледзь я толькі ўключыў дыктафон. Усё гэта нагадвала цырк, за якім можна было проста назіраць і зусім не хацелася ўмешвацца.

Выбар Бураўкіна: Гудвін, «Песьняры», «Авангардшкола»

камэнтар экспэрту

Генадзь Мікалаевіч Бураўкін нарадзіўся ў 1936 годзе. Скончыў аддзяленьне журналістыкі філфаку БДУ. У 60-х працаваў карэспандэнтам газэты «Праўда» ў Беларусі, потым рэдагаваў часопіс «Маладосьць», дзе друкаваліся ў той час Васіль Быкаў, Алесь Адамовіч, Янка Брыль. У 1961 годзе прыняты ў Саюз пісьменьнікаў СССР. У 1972 годзе атрымаў прэмію Ленінскага камсамолу за адлюстраваньне ў сваіх вершах моладзевай тэматыкі. Ад 1978 да 1990 году стаяў на чале дзяржаўнага тэлебачаньня і радыё БССР. На пачатку 90-х прадстаўляў Беларусь у ААН. Экспэрт ТГ - аўтар шматлікіх папулярных песень. У іх ліку - «Зачараваная», «Завіруха», «Больш табе я не пазваню» і, вядома ж, «Калыханкі», што больш за 20 год гучыць на ТВ. Больш за ўсё экспэрта бянтэжыць засільле банальнай папсы на беларускай сцэне і абыякавасьць шмат каго з артыстаў да беларускага слова.

Гудвін: «На сваёй зямлі мы чужыя!»

навічок гэтага туру

У новым туры на ТГ дэбютуе выканаўца Гудвін з трэкам «Дайце шанец». Рэпэр адмовіўся паведамляць хоць што пра сваю асобу, зацеміўшы: «Я ня маю дачыненьня ні да дэмакратыі, ні да БРСМ, ні тым больш да апазыцыі». Асноўнае яго пажаданьне – «каб не было аніякіх спэкуляцый на гэтай тэме». «Я проста выканаўца сваіх песень, аўтар сваіх песень, які працуе з такім жа простым аўтарам музыкі».

«Распавядальная» ад «Песьняроў» на ТГ

навічок гэтага туру

У другім туры на «Тузіне Гітоў» дэбютуе (!) беларускі дзяржаўны ансамбаль «Песьняры», які днямі выдаў свой першы дыск з часоў Уладзімера Мулявіна. «Распавядальная» – песьня з аднайменнага дыску – увойдзе ў наш чарт. Кіраўнік ансамблю і аўтар трэку Вячаслаў Шарапаў у інтэрвію ТГ: «Ёсьць словы, якія на расейскую не перакладаюцца. Назва гэтай песьні – якраз з такіх. „Распавядальная“ – гэта і ня споведзь, і ня аповед. Ды чаго наогул казаць пра музыку – яе трэба слухаць!»

Бездакорны беларускі блюз-рок ад Аруцюнава

навічок гэтага туру

У новым туры на «Тузіне Гітоў» дэбютуе Мікалай Аруцюнаў, лідэр такіх праектаў, як «Лига блюза» і «Четверг Арутюнова». Знаны расейскі блюзмэн выканаў «Бяжы, хлопец» – гіт «Крамы». У інтэрвію ТГ Мікалай Аруцюнаў сказаў, што яму даўно ўжо прыйшоўся да спадобы «фірмовы блюз-рок „Крамы“, зроблены бескампрамісна і на беларускай мове». Расейскі музыка, які пасьпеў пайграць са шмат якімі сусьветнымі блюз-зоркамі, у тым ліку зь Бі Бі Кінгам, апавядае, што ўжо год дзесяць як часьцяком прыязджае ў Беларусь. «Мне падабаецца граць у Менску з вашымі музыкамі – Варашкевічам, Вярэнічам, Трухановічам і я задавальненьнем выконваю песьні па-беларуску».

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.