Гіт-парад Тузіна Гітоў. Тур 14 (88).

чырвона-банэрная рэкляма:

архіў. гіт-парад. тур # 14 (88)
21 сакавіка - 3 красавіка 2008

1	:B:N: feat. Лявон Вольскі	Загiнулым паэтам прысьвячаецца	mp3 hi	902

2	Neuro Dubel	Підарасы	mp3 hi	482

3	Троіца	Тры янгалы	mp3 hi	468

4	Глюкі	АntiEMO (Parket)	mp3 hi	436

5	Тацьцяна Беланогая	Белая птушка	mp3 hi	395

6	Сьцяна	Калыханка	mp3 hi	349

7	Jab Club	Вуліца дым	mp3 hi	331

8	Pomidor/off	Кола	mp3 hi	329

9	Крамбамбуля feat. Городская тоска	Дольчэ віта	mp3 hi	314

10	Юры Несьцярэнка	Адкажы	mp3 hi	299

11	Крамбамбуля	Усё нармальна, мама!	mp3 hi	291

12	J:мoрс	Зорка Вэнэра	mp3 hi	280

Алесь Лютыч: «Да канца сэзону „Паэты…“ пратрымаюцца!»

камэнтар пераможцы

У апошнім туры «Тузіна Гітоў» перамогу атрымала песьня «Загінулым паэтам прысьвячаецца» ад гурта :B:N: і Лявона Вольскага. Саліст «бээнаўцаў» Алесь Лютыч прызнаецца, што гэтая перамога была чаканай, але ня зьвязвае яе лідэрства з тым, што ўдзел у дуэце прымаў Лявон Вольскі. «Паглядзіце, „Крамбамбуля“ ж не на першых месцах!» - кажа Алесь. Ён упэўнены, што песьня «Загінулым паэтам прысьвячаецца» пратрымаецца ў «Тузіне Гітоў» да канца сэзону.

Экспэрт ТГ М. Андрасюк: «Добра, бо беларускае»

камэнтар экспэрта

Экспэрт ТГ нарадзіўся 2 сьнежня 1959 у Гайнаўцы на Беласточчыне. Дэбютаваў у друку 4 лістапада 1979 у газэце «Ніва» (Беласток) з падборкаю вершаў. Пасьля сканчэньня беларускага ліцэю ў Гайнаўцы (1978) памяняў шмат працаў – ад настаўніка да каменачоса. Быў старшынём беларускага форуму самакіраваньня ў Рэспубліцы Польшча. На радыё Рацыя працуе ад моманту заснаваньня ў 1999 годзе – прайшоў шлях ад журналіста і ды-джэя да кіраўніка FM-станцыі. Першая яго кніга – «Фірма» - зьявілася ў 2000 годзе, потым былі кнігі прозы «Мясцовая гравітацыя» і «Белы конь». Улюбёны беларускі сьпявак – Віктар Шалкевіч, але зь цікавасьцю слухае і беларускі рок, і беларускі рэп і намагаецца не прапускаць канцэрты нашых выканаўцаў на Падляшшы.

:B:N: і Лявон Вольскі: загінулым паэтам прысьвячаецца

навічок гэтага туру

Бярозаўскі гурт :B:N: запісаў новую песьню – прысьвячэньне. Лідэр гурта Алесь Лютыч апавядае: «Песьня так і завецца „Загiнулым паэтам прысьвячаецца“. Мы вырашылі паказаць яе тэкст Лявону Вольскаму, каб ацаніў, а дайшло да таго, што запісалі яе разам зь лідэрам N.R.M. дуэтам!» Сам Лявон Вольскі сказаў, што тэкст давялося крыху падправіць: «Тэма гэтага твора падалася мне вельмі блізкай, таму я быў ня супраць на ёй падсьпяваць».

Новая песьня Pomidor/off на ТГ

навічок гэтага туру

У новым туры на ТГ гурт Pomidor/off пасьля працяглага перапынку прэзэнтуе свой новы твор пад назвай «Кола». Якраз нядаўна ўдзельнікі гурта ўпершыню за доўгі час сабраліся разам, каб урэшце працаваць над новымі песьнямі Аляксандра Памідорава. «Толькі-толькі зьявіўся канчатковы варыянт нашай новай песьні пад працоўнай назвай „Кола“ і мы рада яе прадставіць на меркаваньне наведнікаў ТГ», - кажа лідэр гурта Pomidor/off. «Кола» бярэ ўдзел у новым туры нашага чарту.

Дэбют на ТГ: Jab Club

навічок гэтага туру

Аматары тайляндзкага боксу і моднай эўрапейскай музыкі, удзельнікі гурта Jab Club дэбютуюць у новым туры на ТГ зь песьняй «Вуліца дым», зробленай у трохі занядбаным, як для Беларусі кірунку. «Мы імкнемся да ангельскага гучаньня, у гэтай песьні адчувальны ўплыў рэгі, джаз-року і хіп-хопу», - тлумачыць лідэр праекту Яўген Валошын. Цікава, што сьпявак – карэспандэнт «Камсамольскай праўды ў Беларусі», трубач Jab Club колісь граў ва ўкраінскім праекце 36,6, а бубнач – наогул жыхар Лёндану. Усе ж удзельнікі Jab Club займаюцца тайляндзкім боксам і пазнаёміліся ў байцоўскім клубе «Чынук».

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.