Гіт-парад Тузіна Гітоў. Тур 11 (45).

чырвона-банэрная рэкляма:

архіў. гіт-парад. тур # 11 (45)
10 - 23 лютага 2006

1	Нагуаль	Калхідара	mp3 hi	444

2	IQ48	Сьвятло ў цемры	mp3 hi	441

3	Кася Камоцкая	Шостае падарожжа	mp3 hi	348

4	Iris7	Цішэй-цішэй	mp3 hi	290

5	Tav.Mauzer	Брудная вада	mp3 hi	282

6	Сьцяна	Можна быць	mp3 hi	279

7	Зьмяя	Чукча	mp3 hi	266

8	Imprudence	Малюся багам	mp3 hi	258

9	Partyzone	Ляці за край	mp3 hi	255

10	Палац	Праваджала маці сына	mp3 hi	254

11	Глюкі	Ападкі	mp3 hi	242

12	zygimont VAZA	ContraБанда	mp3 hi	205

11 тур: дасягненьні і рэкорды

статыстыка туру

Матэматычны аналіз мінулага тура ад RWD. У 11-ым туры гэтага сэзону за песьні было пададзена 3564 галасы, гэта ў сярэднім 255 галасоў за суткі. Такім чынам гэты тур стаў самым папулярным у музычным годзе. Усяго на 20 галасоў апярэдзіўшы 8-ы тур. Перамогу ў туры сьвяткавала песьня “Калхідара” гурта “Нагуаль” – чацьверты раз перамагае песьня-навічок ў гэтым сэзоне. “Сьвятло ў цемры” ад IQ48 ізноў “срэбраная”, такім чынам паўтораны рэкорд песьні Лявона Вольскага на словы Ўладзімера Караткевіча “Калі ідуць на абардаж (Павешаным 1863)”, якая ў красавіку-траўні 2004 году таксама чатыры туры запар займала другое месца. Аднак у песьні “Сьвятло ў цемры” яшчэ ёсьць шанец палепшыць гэтае дасягненьне. Трэба адзначыць, што ніводная іншая песьня не займала другое месца больш за два разы.

“zygimont VAZA” радуюцца вылету з гіт-параду

камэнтар аўтсайдэра

Гіт-парад па выніках 11 тура пакінуў адзін з доўгажыхароў “Тузіна Гітоў” – твор “Контрабанда” ў выкананьні “zygimont VAZA”, які пратрымаўся 150 дзён. Лідэр групы Скрыпа адрэагаваў на гэтую навіну з усьмешкай: “Ведаеце, а я рад гэтаму”. Нядаўна ён заклікаў у гасьцёўні ТГ сваіх прыхільнікаў больш не галасаваць за “Контрабанду”: “Колькі ўжо можна!”. Людзі Скрыпу пачулі і zV заняў па выніках тура апошняе месца.
“Ня мела ўжо сэнсу знаходжаньне гэтай песьні ў “Тузіне”, такім чынам яна магла круціцца да канца сэзону, cтвараючы такім чынам адчуваньне застоя, а ў нас шмат новых твораў”, - разважае Скрыпа.

Экспэрт “ТГ” Віктар Дзятліковіч: Зьлейшымі трэба быць!

камэнтар экспэрта

Віктар Дзятліковіч, карэспандэнт расейскага тэлеканалу РТР, адзін з стваральнікаў сайту групы N.R.M., аўтар кнігі “Іх Мроя. Іх N.R.M.”. Віктар зацікавіўся беларускай музыкай яшчэ калі працаваў у беларускіх СМІ ў мінулым стагодзьдзі, сталы наведвальнік “Тузіна Гітоў” з часоў яго стварэньня, не прапускае ніводнага “Басовішча” і надта любіць творчасьць Лявона Вольскага. Аўтар першай біяграфічнай кнігі пра беларускую рок-музыку.

Лідэр “Нагуаль” Леанід Паўлёнак: “Такая перамога нам не патрэбная”.

камэнтар пераможцы

Песьня “Калхідара” ў выкананьні групы “Нагуаль” стала пераможцам 11-га тура. Мы патэлефанавалі лідэру групы Леаніду Паўлёнку, каб павіншаваць яго зь перамогай. “Калхідара” дэбютавала ў мінулым туры і адразу ўзабралася на вышэйшыя прыступкі гіт-параду. У зацятай барацьбе з адным зь лідэраў ТГ – песьняй “Сьвятло ў цемры” IQ48 – яна літаральна ў апошнія гадзіны галасаваньня назьбірала болей галасоў. “Вельмі здорава, што мы перамаглі, - адразу ўзрадаваўся Леанід. Дзякуй усім тым людзям, якія шчыра галасавалі за наш твор менавіта таму, што ён ім спадабаўся”. Музыка робіць невялічкую рэмарку – вельмі шмат галасоў дадалося за “Калхідару” з Расеі.

“Partyzone” адлятае за край

навічок гэтага туру

Група “Partyzone” зрабіла фурор на “Тузіне Гітоў” у мінулым музычным сэзоне са сваёй песьняй “Маё сэрца”, якая заняла другое месца ў выніковым мэгатуры. У новым туры ў нашым гіт-парадзе музыкі прэзэнтуюць сваю песьню “Ляці за край” – першы нумар з другога альбому “Сьмерці няма”. Лідэр і гітарыст “Partyzone” Яўген Цылікаў кажа, што “Ляці за край” – развага пра чалавека, які пастаянна шукае сваё месца ў жыцьці: “Герой песьні пазнае самога сябе і аптымістычна глядзіць у будучыню”. У гэтай песьні адбіваецца новае стагодзьдзе – час для абуджэньня разважлівых людзей!

Плынь сьвядомасьці ад “Iris7”

навічок гэтага туру

У новым туры гіт-парада ды й увогуле на “Тузіне Гітоў” дэбютуе група “Iris7” зь ейнай песьняй “Цішэй-цішэй”. Група ўтварылася ў лістападзе 2004 года. З тых часоў яе склад шматразова зьмяняўся, ня ўлічваючы ініцыятараў праекту, яго пастаянных удзельнікаў: вакалісткі Ірыны Лябёдкінай і бубнача Аляксея Кузьняцова. “Першапачаткова мы называліся проста “Iris” – ад імя вакалісткі, - расказвае Аляксей, - аднак хутка высьветлілася, што недзе на Захадзе ўжо існуе сінт-поп праект з такім жа назовам. Каб не было праблемаў, давялося нешта дадумляць. Зрэшты, мы задаволеныя: Iris7 гэта і плянэта ў галактыцы, і кветкі такія прыгожыя – ірысы.”

“Нагуаль” пра дзяўчыну Калхідару

навічок гэтага туру

У новым туры ў нашым гіт-парадзе дэбютуе група “Нагуаль” зь песьняй зь іх апошняга дыску “У Зямлі пад спадніцай”. “Гэтую песьню – “Калхідара” – мы прыдумалі яшчэ пяць год таму, - апавядае лідэр “Нагуаль” Леанід Паўлёнак. Але тады гучала яна зусім інакш – павольна, кранальна і зь відавочным тувінскім этнасам”. Леанід тлумачыць, што Калхідара – гэта ймя дзяўчыны, на апяваньне якой ён натхніўся па дарозе ў сваю вёску.
Для “У Зямлі пад спадніцай” музыкі гэтую песьню перапрацавалі і цяпер яны называюць “Калхідару” кампазыцыяй у рэчышчы этна-сёрф. Дарэчы, для “Нагуаль” – перапрацоўка ўласных твораў – справа звычная, гэткі шлях праходзяць амаль усе іх творы.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.