 |  |
чырвона-банэрная рэкляма:
архіў. гіт-парад. тур # 20 (94)
13 - 26 чэрвеня 2008
13 - 26 чэрвеня 2008
| 1 | Jab Club | Вуліца дым | mp3 hi | 836 |
| 2 | :B:N: feat. Лявон Вольскі | Загiнулым паэтам прысьвячаецца | mp3 hi | 683 |
| 3 | Глюкі | АntiEMO (Parket) | mp3 hi | 531 |
| 4 | OSIMIRA | Сяньня Купала, заўтра Ян | mp3 hi | 454 |
| 5 | Neuro Dubel | Підарасы | mp3 hi | 407 |
| 6 | Сьцяна | Калыханка | mp3 hi | 388 |
| 7 | Borealis | Разьвітаньне | mp3 hi | 370 |
| 8 | Авангардшкола | Сумота | mp3 hi | 370 |
| 9 | Троіца | Тры янгалы | mp3 hi | 367 |
| 10 | Litvintroll | Пахне чабор | mp3 hi | 345 |
| 11 | Lunclan | Працоўны чацьвер | mp3 hi | 304 |
| 12 | Step | Калі прыйдзе сон | mp3 hi | 291 |
Jab Club даюць джазу
камэнтар пераможцыДваццаты тур спынены, на ТГ ідзе падрыхтоўка да выніковага туру. Пераможцам апошняга туру ў гэтым музычным сэзоне ізноў стала песьня «Вуліца дым» гурта Jab Club. Лідэр каманды Яўген Валошын распавёў ТГ пра новы альбом, экспэрымэнтальны выступ, грандыёзныя пляны на лета, а таксама назваў самы густоўны беларускі гурт: «Песьні з нашага альбома напісаныя ў стылі імажынізму. Маёй сяброўцы - сьпявачцы Дакоце плыта вельмі спадабалася».
Марцін Полэц пра нядбайнасьць і няздатнасьць
камэнтар экспэртаЭкспэрт ТГ нарадзіўся 4 траўня 1984 году ў Польшчы. Называе сябе крытыкам музычным (але не журналістам!). Марцін - галоўны рэдактар незалежнага музычнага парталу «Пра-Рок» ды рэдактар польскага часопіса «Estrada i Studio». Зараз - сканчвае Варшаўскі ўнівэрсытэт, піша дыплём па тэме «Фэльетаністыка Стэфана Кіселеўскага». Зьяўляецца прыхільнікам Arab Strap і Высоцкага. Ня любіць камуны, марскія песьні ды Боба Марлі. Беларусьсю і беларускай музыкай зацікавіўся праз фэстываль «Басовішча», дзе неаднойчы быў у журы. Зацікавіўся да такой ступені, што выдатна вывучыў беларускую мову ды стаў прасоўваць нашыя гурты на польскі музычны рынак.
Litvintroll узяліся за Броўку
навічок гэтага туруУ апошнім туры ў гэтым музычным сэзоне на ТГ – доўгачаканы дэбют. Гурт Litvintroll прэзэнтуе адну з сваіх сьвежазапісаных песень «Пахне чабор» – фольк-мэтал асэнсаваньне вядомага верша Петруся Броўкі. Litvintroll можна назваць сайд-праектам гурта «Стары Ольса». Тры гады таму дудар Андрэй Апановіч з калегамі заснаваў Litvintroll, як гурт сярэднявечнай музыкі. «Спачатку выконвалі акустычную музыку, але па хуткім часе вырашылі паэкспэрымэнтаваць. „Пахне чабор“ – адзін з вынікаў нашых фольк-мэтал экспэрымэнтаў», - кажа Андрэй.
«Народны» гіт ад «Авангардшколы»
навічок гэтага туруУ новым туры на ТГ магілёўская група «Авангардшкола» прадстаўляе свой галоўны гіт – песьню «Сумота», якая ўваходзіць у «залаты здабытак» магілёўскага року і лічыцца амаль што «народнай». Гэтая песьня толькі фармальна належыць яе стваральнікам, яна даўно ўжо жыве аўтаномна – жыцьцём падваротняў, паходных вогнішчаў ды нефарматных тусовак, дзе часам пра сам гурт «Авангардшкола» і яе аўтара і ня чулі.
Step: «Я вас задзяўбу двума акордамі»
навічок гэтага туруВыканаўца з польскага Беластоку Step: «Хачу рэалізаваць праект, што будзе складацца выключна зь песень, сыграных на двух акордах. Каб пры вогнішчы было лягчэй на гітары выканаць:). На самой справе – задача перад мной вялікая: зрабіць адрозныя песьні на аснове адных і тых жа гукаў». У новым туры на ТГ адзін з самых яркіх прадстаўнікоў беларускага року на Падляшшы і ды-джэй польскага радыё ESKA прадстаўляе свой новы твор «Калі прыйдзе сон».
Назад да гіт-параду
угару - up
|
|
|
© Менск 2003-2009 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|