Гіт-парад Тузіна Гітоў. Тур 1 (95).

чырвона-банэрная рэкляма:

архіў. гіт-парад. тур # 1 (95)
12-25 верасьня 2008

1	ESPRIT	Знайдзі мяне	mp3 hi	326

2	Палац	Хай месяц	mp3 hi	303

3	Weeping Twilight	Грэх	mp3 hi	282

4	Юры Несьцярэнка	Неба навокал	mp3 hi	258

5	Джамбібум	Дзеўкі	mp3 hi	257

6	Спрат	На мяжы	mp3 hi	229

7	Fickus	Perpetuum mobile	mp3 hi	178

8	Алесь Камоцкі	Як толькі ты	mp3 hi	169

9	4example	Твой	mp3 hi	159

10	Люэс	Пустэча	mp3 hi	155

11	Tlusta Lusta	Сэрыялы	mp3 hi	138

12	Алан Данк feat. Kowka	Вэртыкаль	mp3 hi	115

ESPRIT: «Мы доўга ішлі да гэтай перамогі»

камэнтар пераможцы

Пераможцы першага туру ў новым музычным сэзоне на ТГ – гурт ESPRIT: «За той кароткі час, як мы „выйшлі ў сьвет“ зь песьняй „Знайдзі мяне“, пасьпелі атрымаць прыз сымпатыяў на адборачным да BeFree, гэтая ж песьня трапіла на складанку „Не заганяйся“, і вось першае месца ў гіт-парадзе на ТГ. Канечне, перамога стала для нас прыемнай нечаканасьцю, хаця да яе мы вельмі доўга ішлі», - кажа вакалістка гурта Марыя Бардашун.

Рамэо Глюк: «Марыя Бардашун – беларуская Далорэс»

камэнтар экспэрта

Экспэрт ТГ мае 24 гады, цяпер ён студэнт Беларускага інстытуту правазнаўства. Характар — пасыўны мэгамізантроп, ніцы, ваўкаваты ды нежанаты. У музычнай магілёўскай тусоўцы з 2001 году. Рому называюць у ліку тых асобаў, зь якімі можна зьвязваць росквіт магілёўскага року. Ён граў на бас-гітары ды рабіў аранжыроўкі для такіх гуртоў, як «Глюкі», «Сердце дурака», IOWA, «УНЕБА», «Путы магілёўскія», «Калачиком рядом» ды іншыя. Цяпер займаецца стварэньнем уласнага музычнага праекту. Да ТГ, як і да кожнай справы па разьвіцьці ды прасоўваньні беларускай мовы, ставіцца з сымпатыяй. Аднак нэгатыўна ўспрымае хоць якія палітычныя спэкуляцыі на глебе мовы ды культуры.

«Perpetuum mobile» ад Fickus

навічок гэтага туру

Гомельскі гурт Fickus прадстаўляе на ТГ свой новы твор пад назвай «Perpetuum mobile». Fickus – каманда зорная на імёны, нягледзячы на тое, што яе гісторыя не налічвае яшчэ і двух гадоў. Сьпявае ды грае на гітары ў гурце Зьміцер Вінаградаў – знакавая асоба ў беларускай бардаўскай песьні, на басу – удзельнік «Бан-Жвірбы» Міця Гаўрылін, на бубнах – пэркусіяніст ТТ-34 Артур Сьцяпанаў, яшчэ адзін гітарыст Сяргей Сочнеў вядомы па рэчыцкім гурце Glofira.

Піцерскія панкі запяялі па-беларуску

навічок гэтага туру

Гурт «Люэс» з Санкт-Пецярбургу прэзэнтуе ў першым туры новага музычнага сэзону на ТГ сваю песьню «Пустэча». Гэта першы беларускамоўны твор расейскага гурта. «Тут ня варта спрабаваць шукаць нейкага прадуманага камэрцыйнага ходу, бо яго тут проста няма. „Пустэча“ па-беларуску зьявілася дзякуючы творчасьці гурта „Крама“ і майму знаёмству праз сайт „Тузін Гітоў“ зь іншымі творамі беларускамоўных гуртоў», - кажа лідэр «Люэс» Алесь Залескі.

«Неба навокал» – новая песьня Юрыя Несьцярэнкі

навічок гэтага туру

Блюзмэн зь Бялынічаў прэзэнтуе ў ТГ абсалютна сьвежую кампазыцыю «Неба навокал» з свайго новага альбома, над якім музыка цяпер актыўна працуе. Яго мінулую працу «Сьвята вялікіх даждждоў» вельмі прыязна cустрэлі крытыкі ды слухачы. «Гэты альбом будзе лепшым», - абяцае Юры Несьцярэнка.

ESPRIT пра каханьне ў вялікім горадзе

навічок гэтага туру

Гурт ESPRIT прэзэнтуе ў новым туры на ТГ сваю песьню «Знайдзі мяне». Музыкі кажуць, што яны выконваюць поп-рок зь дзявочым вакалам і пранізьлівымі тэкстамі пра каханьне ў вялікім горадзе. У іх музыцы аб'ядналася разнастайная стылістыка: ад наіўнасьці дзіцячых песьняў да жорсткасьці хардкоравых запілаў.

«Дзеўкі» з «Джамбібуму» вызваліліся ад мужчынскага прыгнёту

навічок гэтага туру

У новым туры на ТГ гурт «Джамбібум» прэзэнтуе песьню «Дзеўкі» з свайго новага альбома «Жавараночкі». «Благаверныя крэкчуць і чухаюць патыліцу ўжо колькі тысяч гадоў: а што яшчэ застаецца, калі маладая жонка, замест таго, каб выконваць сямейныя абавязкі, зьбягае на ігрышча і танчыць аж да раніцы, „да свёкрава (нават не мужава!) гуканьня“», - апавядаюць пра сваю песьню «дзеўкі» з «Джамбібуму».

«Спрат»: «кантры-кор» зь Берасьця

навічок гэтага туру

У новым туры нашага чарту гурт «Спрат» прэзэнтуе свой твор «На мяжы». Гітарыст каманды Максім Меляшчук кажа, што «На мяжы» - твор «Спрата», якi быў добра вядомы прыхiльнiкам гурта яшчэ да выхаду іх дэбютнага альбома «Не чакай»: «Яна пра тое, што кожны дзень чалавек, балянсуючы памiж супрацьлегласьцямі, сутыкаецца з выбарам: ад простых жыцьцёвых сытуацыяў да гiстарычных падзеяў».

Tlusta Lusta: «У сэзон збору ўраджаю трохі сьлёзаў не зашкодзіць»

навічок гэтага туру

Пераможцы «Басовішча-2008» і ляўрэаты «Амбасовішча-2008» – гарадзенскі гурт Tlusta Lusta дэбютуе ў чарце ТГ і прэзэнтуе песьню «Сэрыялы». Лідэр гурта Кірыл Богуш кажа, што не ўстрымаўся ад напісаньня такой песьні: «Усе гэтыя бразыльскія, мэксыканскія ды амэрыканскія брацкія марысабэлі і сантыбарбары кранаюць сэнтымэнтальную душу беларуса».

Weeping Twilight: экспэрымэнт ў жанры unplugged

навічок гэтага туру

У першым туры на ТГ Weeping Twilight прэзэнтуе песьню «Грэх». Гэты твор знаёмы тым, хто абазнаны ў творчасьці гэтага гурта. Першы варыянт «Грэха» быў выдадзены яшчэ на дэма-рэлізе «Воддаль ад твару Багоў» у 2002 годзе. Але сёлета музыкі вырашылі запісаць гэтую кампазыцыю ў аблегчаным варыянце. «Гэтым крокам мы хацелі паказаць іншы бок сваёй творчасьці», - тлумачаць удзельнікі гурта.

Алан Данк: «Вэртыкаль» праб’е мне дарогу ў жыцьцё!

навічок гэтага туру

Надзея беларускага хіп-хопу Алан Данк прэзэнтуе на ТГ улюбёную тэму, створаную ім самім. «Гэты трэк – мой улюбёны. Няхай менавіта ён праб’е сабе дарогу ў жыцьцё!» Рэпэр бачыць сваё пакліканьне ў стварэньні шляхетнага рэпу – музыкі для элітаў. «Нам яшчэ трэба вучыцца тэхніцы высокага плянаваньня, але я мушу сказаць – гэты рэп гучыць у лепшых фарбах Галiвуду».

«Хай месяц» – новая песьня «Палаца» на ТГ

навічок гэтага туру

У новым туры гіт-параду гурт «Палац» прэзэнтуе сваю апошнюю запісаную песьню «Хай месяц». «Каб ведалі людзі зь якога сьмецьця нараджаюцца песьні!» - усьміхаецца Алег. Ён лічыць, што «Хай месяц» была створаная паводле музычнай ідэі Леаніда Паўлёнка, аднак астатнія музыкі «Палаца» з гэтым не пагаджаюцца.

Камоцкі: ад дружбы да мілосьці адзін крок

навічок гэтага туру

Алесь Камоцкі прэзэнтуе ў першым туры новага музычнага сэзону на ТГ песьню «Як толькі ты» – сваю інтэрпрэтацыю славутага гіта савецкіх часоў «Дружба»: «У арыгінале там не зусім зразумела паміж кім і кім тая „дружба“. Я вырашыў пазбавіцца гэтай двухсэнсоўнасьці і гэты твор пераўтварыўся ў простую лірычную песьню».

Беларускамоўны дэбют 4example

навічок гэтага туру

Адна з самых пэрспэктыўных беларускіх мэтал-кор камандаў - 4example прадстаўляе ў першым туры на ТГ сваю песьню «Твой» – першую беларускамоўную працу калектыву. Аўтар песьні Павал «paulezis»: «З гэтага тэксту я пачаў ужываць больш агрэсіі для раскрыцьця пачуцьцяў. На дадзены момант „Твой“ зьяўляецца адным з самых бескампрамісных маіх твораў. У ім адбіліся ўсе мае расчараваньні, катастрофы і фіяска, а таксама жаданьне быць для Яе нечым большым, як проста „нехта“»…

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.