Гіт-парад Тузіна Гітоў. Тур 12 (46).

чырвона-банэрная рэкляма:

архіў. гіт-парад. тур # 12 (46)
24 лютага - 9 сакавіка 2006

1	Tav.Mauzer	Брудная вада	mp3 hi	405

2	IQ48	Сьвятло ў цемры	mp3 hi	392

3	Кася Камоцкая	Шостае падарожжа	mp3 hi	355

4	Krok	Рай	mp3 hi	315

5	Сьцяна	Можна быць	mp3 hi	273

6	Iris7	Цішэй-цішэй	mp3 hi	260

7	Зьмяя	Чукча	mp3 hi	253

8	Zeitnot	Вочы	mp3 hi	249

9	Аляксандра і Канстанцін	А дзе была вуціца?	mp3 hi	242

10	Нагуаль	Калхідара	mp3 hi	233

11	Imprudence	Малюся багам	mp3 hi	225

12	Partyzone	Ляці за край	mp3 hi	181

12 тур: рэкорды і неспадзяванкі

У 12-ым туры наведнікамі “Тузіна Гітоў” было аддадзена за песьні ў гіт-парадзе 3383 галасы, што ў сярэднім складае 242 галасы на дзень. У гэтым сэзоне мінулы тур толькі трэці па колькасьці галасоў, болей было ў 11-ым і 8-ым турах. Галоўнай жа неспадзяванкай туру стаў вылет зь яго песьні “Калхідара” гурта “Нагуаль”, такое здарылася ўсяго другі раз у гісторыі гіт-параду, калі песьня-пераможца вылецела ў наступным жа туры. Першы раз гэта здарылася ў пачатку існаваньня гіт-параду, калі пасьля перамогі ў 2-ім туры песьня гурта “Палац” “У лузе”, у 3-ім туры заняла тое ж 10-е месца, што не дазволіла працягнуць барацьбу ў гіт-парадзе... Галоўны статыстык “Тузіна Гітоў” RWD аналізуе апошні тур галасаваньня з матэматычнага гледзішча.

"Нагуаль" пазнаёміліся са слухачамі

аўтсайдар туру

У мінулым туры на “Тузіне Гітоў” першае месца заняла група “Нагуаль”. У гэтым жа апынулася ў аўтсайдэрах – на дзясятым. Сваімі камэнтарамі з гэтае нагоды падзяліўся з намі лідэр “Нагуаля” Леанід Паўлёнак: “Асабіста я не назіраў за ходам туру – ні мінулага, ні гэтага, а пра ўсе зрухі ў гіт-парадзе мне паведамлялі сябры. Канечне, прыемна было ўзяць удзел у “Тузіне Гітоў”. Ва ўсялякім разе, адбылося знаёмства з новымі, хоць і нешматлікімі слухачамі.”

Экспэрты “ТГ” Саша і Сірожа: “Музыкі, берагіте людзей!”

камэнтар экспэртаў туру

Саша і Сірожа - удзельнікі аднаго з самых брутальных праектаў сучаснасьці. Саша (мастак Аляксей Хацкевіч) і Сірожа (лідэр групы "Ляпіс Трубяцкой" Сяргей Міхалок) пасьпелі намаляваць тысячы коміксаў, зрабіць уласны мультсэрыял і сотні радыё і тэле-праграм. Іх аўтарытэтная праграма “Новыя калыханкі” ідзе ўжо больш за год па ўкраінскай тэлевізіі. Летась яны заняліся пры дапамозе групы "Мэтэор" "сур'ёзным" музіцыраваньнем і выдалі свой дэбютны музычны альбом "Ска-ты" і нечакана трапілі ў сьпіс намінантаў “Рок-каранацыі” ў “Дэбют году”. Саша і Сірожа прызнаюцца, што вельмі любяць беларускую музыку, пра якую дазнаюцца ў асноўным з "Тузіна Гітоў" і гатовы сьмела распавесьці ўсім удзельнікам гіт-параду ўсю праўду пра іх творчасьць.

“Брудная вада” ізноў перамагла

камэнтар пераможцаў

Песьня групы Tav.Mauzer “Брудная вада”, якая трымаецца ў гіт-парадзе ад пачатку музычнага сэзону, і ўжо дасягала вяршыні, сталася пераможцамі чароднага – 12 тура на “Тузіне Гітоў”. Лідэр гурта Янка на віншаваньні толькі ўсьміхаецца: “Брудная вада” ізноў перамагла. Для мяне гэта і дзіўна і прыемна”. Музыка зьвязвае чарговае ўзвышэньне цікавасьці да аднаго з сваіх галоўных гітоў з выступам групы 4 сакавіка ў Менску. “Я заўжды заўважаў, што пасьля нашага буйнога выступу, цікавасьць да “Бруднай вады” узрастае. Так было на пачатку сэзона, пасьля выступа на “Рок-кола” у Полацку, і зараз”.

"Аляксандра і Канстацін". Народныя й сонечныя

навічок гэтага туру

У апошнім зімовым туры нашага гіт-параду дуэт “Аляксандра і Канстанцін” прэзэнтуе ўвазе слухачоў сваю шыкоўную вэрсію народнай песьні “А дзе была вуціца?” з новага альбому “Аўтаномная Навігацыя”. А ўпершыню на гэтую народную песьню яшчэ ў 70-х гадах зьвярнулі сваю ўвагу й агучылі са сцэны легендарныя “Песьняры”. “АіК” жа, у сваю чаргу, удала аранжавалі й запісалі “Вуціцу” для беларускага радыйнага праекту “Беларуская калекцыя”, па ідэі якога патрэбна было выканаць вядомую раней песьню наноў, па-свойму, у сучасным аздабленьні.

“Zeitnot”: музыка гучыць паўсюль!

навічок гэтага туру

У новым туры нашага гіт-параду дэбютуе песьня “Вочы” ў выкананьні групы Zeitnot. Музыкі кажуць, што гэта адна з паказальных іх песень. “Нядаўна нам сказалі, што мы граем гардкор, але я так не лічу, бо мы намагаемся ахапіць як мага болей – таму атрымліваецца такая сумесь з панка, джаза, ню-мэтала, гард-рока, рок-н-рола ды іншага”, - кажа гітарыст групы Яўген Ваньшын. У песьні “Вочы”, запісанай на студыі “Селах”, ажно 117 асобных гукавых трэкаў – тут гучаць бубны, гітары, пэркусія, труба, трамбон, саксафоны (альт і тэнар), скрыпка і масавы крык, запісаны жывым натоўпам у студыі: “Гукарэжысэр жахнуўся!”, - усьміхаюцца музыкі.

“Крок” у “Рай”

навічок гэтага туру

Чародны тур гіт-параду пільнага “Тузіна Гітоў” адзначаецца зьяўленьнем новага запісу гурта “Крок”, ужо вядомага слухачу па шматлікіх панк-гранж вечарынах. Як паведаміў адзін з удзельнікаў гурта, зараз “Крок” заканчвае працу над дэбютным альбомам пад назвай “У столь” і адначасова прэзэнтуе на “Тузіне” песьню “Рай” — адзін з, так бы мовіць, сынглаў будучага альбома. “Гісторыя стварэньня песьні цалкам звычайная,— распавёў Рома. — Была зіма. Холад. Ніякага пазытыўнага настрою. Людзі вакол не заўважаюць адзін аднаго. Халоднае сонца...”

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.