Гіт-парад Тузіна Гітоў. Тур 13 (47).

чырвона-банэрная рэкляма:

архіў. гіт-парад. тур # 13 (47)
10 - 23 сакавіка 2006

1	Tav.Mauzer feat. Сьвета Сугака	Беларусь будзе вольнай!	mp3 hi	603

2	UltraВожык	Фабрыка сноў	mp3 hi	423

3	Siver	Колер маёй рэвалюцыі	mp3 hi	305

4	IQ48	Сьвятло ў цемры	mp3 hi	289

5	Tav.Mauzer	Брудная вада	mp3 hi	270

6	Кася Камоцкая	Шостае падарожжа	mp3 hi	235

7	Сьцяна	Можна быць	mp3 hi	225

8	Krok	Рай	mp3 hi	203

9	Iris7	Цішэй-цішэй	mp3 hi	198

10	Зьмяя	Чукча	mp3 hi	187

11	Аляксандра і Канстанцін	А дзе была вуціца?	mp3 hi	168

12	Zeitnot	Вочы	mp3 hi	92

13 тур: “Tav.Mauzer” б’е рэкорды

У 13-ым туры гэтага сэзону наведнікамі гіт-параду было пададзена 3198 галасоў, ці ў сярэднім 228 галасоў на дзень, што зьяўляецца пятым вынікам гэтага сэзону. Пачнем зь пераможцы туру, песьні “Беларусь будзе вольнай!” гурта Tav.Mauzer і Сьветы Сугака. 603 галасы за гэтую песьню гэта ня толькі лепшы вынік гэтага музычнага году. Гэта таксама і найлепшы вынік для песьні-дэбютанта за ўсю гісторыю “Тузіна Гітоў”. Дагэтуль лепшы вынік быў у песьні “Ду-ду да-да” Аляксандры і Канстанціна, які быў паказаны ў сьнежні 2004...

"Зьмяя" галасавала за розныя песьні

аўтсайдар туру

У гэтым туры на “Тузіне Гітоў” сярод аўтсайдэраў апынулася кампазыцыя “Чукча” групы “Зьмяя”. Песьня таксама вядомая як “Песьня пра чукчу Ганса, які хацеў скрасьці ў свайго суседа аленя, але яму не дазволіла гэта зрабіць сумленьне” пратрымалася ў гіт-парадзе больш за сто дзён, так і не заняўшы высокіх пазыцый. Шлях твора ў “Тузіне Гітоў” пракамэнтавала вакалістка групы "Зьмяя" Зоя Каральчук:

“Tav.Mauzer” і Сьвета Сугака – пераможцы 13-га тура

камэнтар пераможцаў

Для лідэра “Tav.Mauzer” Янкі ў нас было дзьве навіны – прыемная і сумная. Першая, што
песьня пад назвай “Беларусь будзе вольнай!” фінішавала ў 13-м туры першай зь вялікім адрывам, а другая, што Сьвета Сугака, разам зь якой “Tav.Mauzer” выканалі гэтую песьню, была засуджаная на 7 сутак за ўдзел у акцыі ў падтрымку Мілінкевіча. “Калі я пачуў пра затрыманьне Сьветы, я быў шакаваны і агаломшаны, хоць і не было сэнсу зьдзіўляцца пасьля сотняў затрыманьняў, - апавядае Янка. На яго думку, посьпех песьні ў іхнім са Сьветай выкананьні забясьпечылі менавіта падзеі на Пляцу, дзе, дарэчы, гэтая песьня неаднаразова гучала.

Tav.Mauzer: “Беларусь будзе вольнай!”

навічок гэтага туру

У новым туры на “Тузіне Гітоў” пераможцы папярэдняга – група з Магілёву Tav.Mauzer прэзэнтуе сваю самую сьвежую песьню, якая мае ўсе шанцы стаць гітом вясны-2006. Удзел у запісы ўзяла экс-вакалістка групы “Тарпач” Сьвета Сугака, якая апошнім часам ушчыльную супрацоўнічае зь ляўрэатамі “Басовішча-2005”. Лідэр групы Янка кажа, што са Сьветай працаваць вельмі прыемна. Зараз Tav.Mauzer і Сьвета выступаюць разам у межах праекту “Свабодны тэатар”. Новая песьня мае надта актуальную назву – “Беларусь будзе вольнай!”.

Падарожжа на “Фабрыку сноў”

навічок гэтага туру

Праект “UltraВожык” – адкрыцьцё складанкі нашага гіт-параду “Прэм’ер Тузін” – нагадвае пра сябе. У 13-м туры таямнічыя музыкі, якія працуюць у фармаце “інкогніта”, прэзэнтуюць сваю новую песьню – “Фабрыка сноў”.
“Тузіну Гітоў” атрымалася зьвязацца з камандай “ультравожыкаў” – Яўгенам Шафам-Уругвайскім, Пятром Адамовічам і сабачкам Ібрагімам. “Мы проста чакалі нагоды, каб ускалыхнуць грамадзкасьць пасьля такога шалёнага посьпеху “Атлянтыды”, - заяўляе адразу Яўген. – Гэтай нагода стала заўчаснае абвяшчэньне прэзыдэнцкіх выбараў-2006 і вяртаньне пасьля доўгіх блуканьняў нашага сабачкі Ібрагіма, пасьля чаго мы заперліся на студыі, каб паказаць наведнікам “Тузіна Гітоў” наш новы твор”.

Siver пра колер рэвалюцыі

навічок гэтага туру

Гурт Siver, вядомы з праекту «Сьцяг брыгады» — рок-опэры паводле твору Аркадзя Куляшова, прэзэнтуе ў новым туры на «Тузіне Гітоў» сваю новую песьню. Вакаліст групы Мікола Бянько: «Злоўжываньняў і варыяцыяў на тэму колера беларускай рэвалюцыі было і так даволі. Мы лічым, што зусім не істотна, які колер абяруць паліттэхнолягі для ўвасабленьня народнага гневу. Калі зьмяшаць усе барвы — атрымаецца белы колер. Нам вельмі спадабаўся верш Сяргея Балахонава сваёй ляканічнасьцю, даступнасьцю і дасканаласьцю. Мэлёдыка нарадзілася адразу па першым прачытаньні верша…» Адна з самых правакацыйных песень вясны-2006 — толькі на «Тузіне Гітоў»!

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.